బెల్లంకొండ సురేష్ తనయుడు.. బెల్లంకొండ సాయి శ్రీనివాస్ హీరోగా నిలదొక్కుకోవడానికి విశ్వ ప్రయత్నాలు చేస్తున్నప్పటికీ విజయాన్ని మాత్రం సాధించలేకపోతున్నాడు. గతేడాది వచ్చిన ‘సాక్ష్యం’ ‘కవచం’ చిత్రాలు డిజాస్టర్లుగా మిగిలాయి. ఈసారి ఎలాగైనా హిట్టు కొట్టాలని డైరెక్టర్ తేజ తో చెయ్యి కలిపాడు బెల్లంకొండ. ఇక తేజ దర్శకత్వంలో బెల్లంకొండ శ్రీనివాస్ నటిస్తున్న చిత్రానికి ‘సీత’ టైటిల్ ని ఫిక్స్ చేసారు. ప్రస్తుతం షూటింగ్ తుది దశలో ఉంది.
. ‘ఆర్.ఎక్స్100’ చిత్రంలో తన గ్లామర్ తో అటు కుర్రకారుని… ఇటు టాలీవుడ్ దర్శక నిర్మాతల్ని ఆకర్షించింది పాయల్. ఇప్పుడు పాయల్ కు వరుస అవకాశాలు క్యూ కడుతుండడం విశేషం. ఇక ‘సీత’ చిత్రాన్ని’ఏకే ఎంటర్టైమెంట్స్’ బ్యానర్ ఫై అనిల్ సుంకర నిర్మిస్తున్నాడు. ‘నేనే రాజు… నేనే మంత్రి’ చిత్రం తరువాత మరోసారి అనూప్ రూబెన్స్ … తేజ చిత్రానికి సంగీతం అందిస్తున్నాడు. ‘కవచం’ చిత్రం తరువాత మరోసారి ‘సీత’ చిత్రంలో కలిసి నటిస్తున్నారు కాజల్ – బెల్లంకొండ సాయి శ్రీనివాస్. వీరి కాంబినేషన్లో మొదట ‘కవచం’ చిత్రం వచ్చింది. ఇక ‘సీత’ చిత్రాన్ని మార్చి లో విడుదల చేయడానికి చిత్ర యూనిట్ ప్లాన్ చేస్తుంది.
