తక్కువ బడ్జెట్ తో తెరకెక్కి ఎక్కువలాభాలను అందుకున్న సినిమాల జాబితాలో “ఆర్‌ఎక్స్ 100” మూవీ చేరిపోయింది. కార్తికేయ, పాయల్ రాజ్‌పుత్ లు హీరో హీరోయిన్లుగా నటించిన ఈ మూవీ ట్రేడ్ వర్గాలను ఆశ్చర్యపరుస్తోంది. యువ దర్శకుడు అజయ్ భూపతి తెరకెక్కించిన ఈ సినిమా యువతని ఆకట్టుకుంది. అశోక్ రెడ్డి గుమ్మకొండ నిర్మించిన ఈ చిత్రం గత గురువారం రిలీజ్ అయి భారీ ఓపెనింగ్స్ రాబట్టింది. రెండు తెలుగు రాష్ట్రాల్లో కలుపుకొని తొలిరోజే 1.42 కోట్ల షేర్ రాబట్టిన ఈ చిత్రం రెండో రోజు కోటి కి పైగా షేర్ వసూల్ చేసి సంచలనం సృష్టించింది. ఇక నాలుగురోజుల్లోనే 10కోట్ల గ్రాస్ వసూలు చేసి ఔరానిపించింది. 5 .18 కోట్ల షేర్ అందుకొని దూసుకుపోతోంది. ఫస్ట్ వీకెండ్ లో ఏరియాల వారీగా కలక్షన్స్ (షేర్) వివరాలు..
ఏరియా : కలక్షన్స్
నైజాం : 2 . 42 కోట్లు
సీడెడ్ : 58 లక్షలు
గుంటూరు : 36 లక్షలు
ఈస్ట్ గోదావరి : 42 లక్షలు
వెస్ట్ గోదావరి : 31 లక్షలు
తెలుగు రాష్ట్రాల్లో : 5.18 కోట్లు
