‘పుష్ప’ రిలీజ టైమ్‌ గుర్తుందా? సినిమా ప్రచారం కోసం టీమ్‌ దేశం మొత్తం తిరిగింది. వీలైన ప్రతి చోటా ప్రచారం చేసుకుంది. అయితే ఆ ప్రచారంలో దర్శకుడు సుకుమార్‌ పెద్దగా కనిపించలేదు. సినిమా రిలీజ్‌కు ఒక రోజు ముందు అనుకుంటే ఓ ప్రెస్‌ మీట్‌ పెట్టి సినిమా గురించి, తమ నమ్మకం గురించి మాట్లాడారు. ఇన్నాళ్లూ ఎందుకు మీడియా ముందుకు రాలేదు అంటే… సినిమా పనులు పూర్తవ్వలేదు అనే సమాధానం వచ్చింది. ఇప్పుడు ఇదంతా ఎందుకు అంటే మళ్లీ ఆ పరిస్థితి వద్దు అని ఫ్యాన్స్‌ కోరుకుంటుండటమే.
‘పుష్ప 1’ సినిమా విడుదల సమయంలో ఆ డేట్‌కి కచ్చితంగా రావాల్సిన పరిస్థితి ఏర్పడింది. కానీ ఈసారి చాలా టైమ్‌ ఉందిగా అంటారా? సుమారు 190 రోజులు ఉన్నాయి అనేది మీ ఆలోచన కావొచ్చు. అయితే సినిమా షూటింగ్‌ పెండింగ్‌, విజువల్‌ ఎఫెక్స్ట్‌ పెండింగ్‌ వివరాలు మాత్రం ఆ సమయం సరిపోదు అంటున్నారు. అన్నింటికి మించి సినిమా రిలీజ్‌ ముందు రోజు రాత్రి వరకు ఎడిటింగ్‌ టేబుల్‌ దగ్గర ఉండి ఆ సీన్‌ పెడదాం, ఈ సీన్‌ తీసేద్దాం అనే రకం మన లెక్కల మాస్టారు సుకుమార్‌.
దీంతో మరోసారి ‘పుష్ప 2’ సినిమా ప్రచారంలో ఆయన పెద్దగా కనిపించకపోయినా ఆశ్చర్యపోనక్కర్లేదు అంటున్నారు నెటిజన్లు. అయితే అన్ని పనులు పూర్తి చేసుకుని సాఫీగా ప్రచారం చేసుకుని సినిమా రిలీజ్‌ చేయాలని చెబుతున్నారు. అయితే సుకుమార్‌ మనసులో ఏముందో తెలియదు. సినిమా విషయంలో ఆయన తన శిష్యుల్ని నమ్మినా… ఫైనల్‌ కాపీ మొత్తం తన చేతుల్లోనే వెళ్లేలా చూసుకుంటారు అంటారు. కాబట్టి ఆ 190 రోజుల్లోనే పూర్తి చేసుకోవాల్సి ఉంటుంది.
ఇక ఎప్పుడో ఆగ‌స్టు 15న అంటూ ‘పుష్ప 2’ విషయంలో డేట్‌ చెప్పేశారు. ఆ రోజు మన (Pushpa) ‘పుష్ప’ రాజ్‌ రూల్‌ ఎలా ఉంటుందో చూడొచ్చు. అలాగే ఈ సినిమా కోసం సుకుమార్‌ యాడ్‌ చేసిన అదనపు సొబగులు కూడా ఆ రోజే చూడాలి.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home