త్వరలో ఓ ఇంటివాడు కాబోతున్న యంగ్ డైరెక్టర్ సుజీత్

టాలీవుడ్ యంగ్ డైరెక్టర్ సుజీత్ కొద్దిరోజులుగా పెళ్లి చేసుకోనున్నారంటూ వార్తలు వస్తున్న సంగతి తెలిసిందే. కొంత కాలంగా ఆయన డెంటిస్ట్ అయిన ప్రవల్లిక అనే అమ్మాయి ప్రేమలో ఉన్నారట. కొద్దిరోజుల క్రితం వీరిద్దరూ పెద్దల సమ్మతితో పెళ్లి చేసుకోవాలని నిర్ణయించుకున్నారు. వీరి ప్రేమను పెద్దలు కూడా అంగీకరించడంతో త్వరలో పెళ్లి చేసుకోబోతున్నారు. ఇక గత రాత్రి బంధు మిత్రుల సమక్షంలో వీరి నిశ్చితార్ధ కార్యక్రమం జరిగింది. లాక్ డౌన్ నిబంధనల నేపథ్యంలో పరిమిత సంఖ్యలో ఈ వేడుకకు కుటుంబ సభ్యులు మరియు బంధువులు హాజరైనట్లు తెలుస్తుంది.

మరి వీరి వివాహం ఎప్పుడనేది ఇంకా తెలియలేదు. లాక్ డౌన్ అనంతరం వీరి వివాహం జరిగే సూచనలు కనిపిస్తున్నాయి. గత ఏడాది ప్రభాస్ హీరోగా విడుదలైన భారీ పాన్ ఇండియా యాక్షన్ ఎంటర్టైనర్ సాహో చిత్రానికి పని చేసిన సుజీత్ త్వరలోనే చిరంజీవిని డైరెక్ట్ చేయనున్నాడు. మలయాళ హిట్ మూవీ లూసిఫర్ తెలుగు రీమేక్ హక్కులను సొంతం చేసుకున్న కొణిదెల ప్రొడక్షన్స్ చిరంజీవి హీరోగా తెరకెక్కించనున్నారు. ఈ చిత్ర రీమేక్ బాధ్యతలు సుజీత్ కి అప్పగించిన చిరంజీవి సుజీత్ కి లూసిఫర్ స్క్రిప్ట్ ఇచ్చి డెవలప్ చేయవలసినదిగా కోరారు.

సుజీత్ కొన్ని నెలలుగా తెలుగు నేటివిటీ మరియు చిరంజీవి ఇమేజ్ కి తగ్గట్టుగా స్క్రిప్ట్ లో పలు మార్పులు చేస్తున్నారు. ఆచార్య మూవీ అనంతరం చిరంజీవి ఈ చిత్రంలో నటించే అవకాశం ఉంది.

1

2

3

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!