పవర్ స్టార్ పవన్ కళ్యాణ్ రీఎంట్రీలో వరుసగా సినిమాలలో నటిస్తూ కెరీర్ ను చక్కగా ప్లాన్ చేసుకుంటున్నారనే సంగతి తెలిసిందే. గతేడాది వకీల్ సాబ్ ఈ ఏడాది భీమ్లా నాయక్ సినిమాలతో పవన్ కెరీర్ లో బ్యాక్ టు బ్యాక్ బ్లాక్ బస్టర్ హిట్లు చేరాయి. పవన్ హీరోగా తెరకెక్కుతున్న హరిహర వీరమల్లు సినిమా షూటింగ్ కూడా ఈ ఏడాదే పూర్తి కావడంతో పాటు త్వరలో ఈ సినిమా రిలీజ్ డేట్ కు సంబంధించిన ప్రకటన వెలువడనుంది.
ఈ సినిమాలతో పాటు పవన్ మరి కొందరు డైరెక్టర్లకు కూడా గ్రీన్ సిగ్నల్ ఇచ్చారు. అయితే పవన్ తర్వాత సినిమా డైరెక్టర్ల జాబితాలో సుజీత్ కూడా ఉన్నారని సమాచారం అందుతోంది. రన్ రాజా రన్, సాహో సినిమాలతో దర్శకుడిగా సుజీత్ పాపులారిటీని సంపాదించుకున్నారు. రన్ రాజా రన్ బ్లాక్ బస్టర్ హిట్ కాగా సాహో సినిమా అన్ని వర్గాల ప్రేక్షకులను ఆకట్టుకోవడంలో ఫెయిలైంది. సాహో సినిమా వల్ల నిర్మాతలకు కొంతమేర నష్టాలు వచ్చాయని వార్తలు వచ్చాయి.
అయితే సుజీత్ డైరెక్షన్ లో ఒక తమిళ సినిమా రీమేక్ లో నటించడానికి పవన్ ఓకే చెప్పారని వార్తలు ప్రచారంలోకి వచ్చాయి. విజయ్ హీరోగా తమిళంలో తెరకెక్కిన తేరి సినిమా తెలుగులో కూడా విడుదలైంది. అయితే తేరి రీమేక్ లోనే పవన్ నటిస్తారంటూ వార్తలు ప్రచారంలోకి వస్తున్నాయి. వైరల్ అవుతున్న వార్తలకు సంబంధించి అధికారిక ప్రకటన రావాల్సి ఉంది. పవన్ సినిమాకు డైరెక్షన్ ఛాన్స్ అంటే అది సుజీత్ కెరీర్ కు ప్లస్ అవుతుందని చెప్పవచ్చు.
అయితే ఈ కాంబినేషన్ సినిమాపై పవన్ కళ్యాణ్ అభిమానులు ఏ విధంగా స్పందిస్తారో చూడాల్సి ఉంది. పవన్ కళ్యాణ్ స్టార్ డైరెక్టర్లతో పోలిస్తే యంగ్ డైరెక్టర్లకు, టాలెంటెడ్ డైరెక్టర్లకు ప్రాధాన్యత ఇస్తుండటం గమనార్హం. పవన్ కళ్యాణ్ వేగంగా సినిమాల్లో నటించడంపై ఫ్యాన్స్ సంతోషం వ్యక్తం చేస్తున్నారు. అయితే అదే సమయంలో పవన్ రీమేక్ సినిమాలలో నటించడం అభిమానులకు నచ్చడం లేదు.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
