టాలీవుడ్ లో టాప్ ఫ్యామిలీస్ లో మెగా ఫ్యామిలీ ఒకటి అనడంలో ఏమాత్రం సందేహం లేదు…మెగా స్టార్ చిరు మొదలుపెట్టిన ఈ మెగా శిబిరంలోకి ఎంతో మంది హీరోలు ప్రవేశించారు. అయితే ప్రతీ హీరొ ఎవరు టాలెంట్ కు తగ్గట్టు వాళ్ళు నటిస్తూ మెగా అభిమానుల్ని ఫుల్ హ్యాపీగా ఉంచుతున్నారు. ఇదిలా ఉంటే తాజాగా మెగా ఫ్యామిలీ నుంచి వచ్చిన హీరోల్లో సాయి ధర్మ తేజ ఫుల్ స్వింగ్ లో ఉన్నాడు.
వరుస హిట్స్ తో దూసుకుపోతున్నాడు. ఈ మధ్యనే విడుదలయిన సుప్రీం సూపర్ డూపర్ హిట్ అవ్వడమే కాకుండా, సాయిని టాప్ హీరోల లిస్ట్ లో చేర్చింది. ఇదిలా ఉంటే తాజాగా నాగ చైతన్య ‘సాహసమే శ్వాసగా సాగిపో’ ఆడియో వేడుకలో సాయి కొన్ని పర్సనల్ విషయాలను బయట పెట్టాడు…అవేమిటంటే…తనని గతంలో చాలా మంది అమ్మాయిలు అవమాన పరిచారట..తన క్లాస్ మేట్స్ లో కొంతమంది కి సాయి ప్రపోజ్ చేసాడట కానీ ఒక్కరంటే ఒక్కరు కూడా సాయి లవ్ ప్రపోజల్ ని ఒప్పుకోలేదట.
ఇక చేసేది ఏమీ లేక లైట్ తీసుకుని, తన కరియర్ పై ఆలోచనలో పడ్డడట…అయితే అప్పటికీ ఇప్పటికీ చాలా మార్పు వచ్చింది అని, తాను హీరో అయిన తర్వాత ఆ అమ్మాయిలు చాలా బాధపడుతున్నారని తాము ఎంత మంచి వాడిని మిస్ అయ్యామే అని బాధపడుతున్నారని తెలిసిందని చెప్పాడు. మొత్తానికి ఎవరికైనా ఎప్పుడో ఒకసారి టైమ్ వస్తుందని దానికోసం ఎదురు చూడాలని అన్ని కాలాలు బ్యాడ్ గా ఉండవని వేదాంతం చెప్పాడు మన మెగా మేనల్లుడు…ఏది ఏమైనా…ప్రేమకు ఎవ్వరూ అతీతులు కారు అని ఈ విషయం వింటే మరోసారి అర్ధం అవుతుంది.
