తన పర్సనల్ లైఫ్ లో కొన్ని ఇబ్బందులు ఎదురవ్వడంతో మంచు మనోజ్.. డిప్రెషన్ కు లోనయ్యాడని మొన్నామధ్య తెలిపాడు. అయినప్పటికీ త్వరగానే కోలుకుని.. మళ్ళీ సినిమాల్లో బిజీ కావాలని.పనిలో పడితే కొత్త లైఫ్ ను స్టార్ట్ చేసినట్టు ఉంటుందని కూడా చెప్పుకొచ్చాడు. తాను చెప్పినట్టుగానే ‘ఎం.ఎం.ఆర్ట్స్’ అనే సంస్థను స్థాపించి సినిమాలు చెయ్యడానికి రెడీ అయ్యాడు. మొదటి ప్రయత్నంగా ‘అహం బ్రహ్మస్మి’ అనే పాన్ ఇండియా చిత్రాన్ని చేస్తున్నాడు. శ్రీకాంత్ రెడ్డి అనే కొత్త దర్శకుడిని పరిచయం చేస్తూ ఈ చిత్రాన్ని నిర్మిస్తున్నాడు మనోజ్.ఈ చిత్రం ఓపెనింగ్ కు మెగా పవర్ స్టార్ రాంచరణ్ అతిథిగా విచ్చేసిన సంగతి తెలిసిందే.
అయితే కరోనా కారణంగా కొంతకాలం పాటు ఈ చిత్రం షూటింగ్ వాయిదా పడింది. మళ్ళీ ప్రారంభమైంది లెండి. ఇదిలా ఉండగా.. ఈ చిత్రంలో మెగా మేనల్లుడు సాయి తేజ్.. గెస్ట్ రోల్ చెయ్యబోతున్నట్టు గుసగుసలు వినిపిస్తున్నాయి. కథను మలుపు తిప్పే విధంగా ఇతని పాత్ర ఉంటుందని తెలుస్తుంది. నిజజీవితంలో సాయి తేజ్, మనోజ్ లు చాలా మంచి స్నేహితులు. అందుకే మనోజ్ అడగ్గానే సాయి ఓకే చెప్పాడని టాక్ వినిపిస్తోంది.
అంతేకాదు ఎప్పటి నుండో వీళ్ళు ‘బిల్లా రంగా’ చిత్రాన్ని కూడా రీమేక్ చెయ్యాలని భావిస్తున్నారు. చిరంజీవి, మోహన్ బాబు కలిసి నటించిన మల్టీ స్టారర్ మూవీ అది. నిజానికి అది సో సోగానే ఆడింది కానీ..అందులో అభిమానులను అలరించే ఎలిమెంట్స్ చాలానే ఉంటాయి. కొన్ని మార్పులు చేసి రీమేక్ చేస్తే కచ్చితంగా కమర్షియల్ సక్సెస్ సాధిస్తుందని వారి నమ్మకం.దానికి ముందు ‘అహం బ్రహ్మాస్మి’ అనేది టీజర్ లాంటిదని తెలుస్తుంది.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
