మలయాళ నటి సాయి పల్లవి “ప్రేమమ్(మలయాళం)” సినిమా ద్వారా మంచి గుర్తింపు తెచ్చుకుంది. అచ్చమైన మలయాళీగా నటించి ఎన్నో అవార్డులను సొంతం చేసుకుంది. తెలుగులో ఫిదా మూవీ ద్వారా అడుగుపెట్టింది. ఇందులో అచ్చమైన తెలంగాణ అమ్మాయి భానుమతిలా నటించి అందరి మనసులు గెలుచుకుంది. దీంతో తెలుగు చిత్ర పరిశ్రమ నుంచి అవకాశాలు వెల్లువెత్తాయి. ఈ క్రేజ్ ని సాయి పల్లవి క్యాష్ చేసుకోవడానికి తన పారితోషికాన్ని డబుల్ చేసింది. ఫిదా సినిమాకి 30 లక్షలు మాత్రమే తీసుకున్న ఈ బ్యూటీ రెండవ సినిమా “ఎంసిఎ(మిడిల్ క్లాస్ అబ్బాయి)” కి అంతే తీసుకుంటోంది.
కారణం నిర్మాత ఒక్కరే కాబట్టి. దిల్ రాజు తనని టాలీవుడ్ కి పరిచయం చేశారనే కృతజ్ఞతతో అతని ప్రొడక్షన్ లో రెండో సినిమాకి పారితోషికం పెంచలేదు. ఈ సినిమా తర్వాత యువ హీరో నాగ్ శౌర్య సరసన నటించడానికి గ్రీన్ సిగ్నల్ ఇచ్చింది. అయితే దీనికి మాత్రం 70 లక్షల రెమ్యునరేషన్ అందుకోబోతున్నట్లు ఫిలిం నగర్ వాసులు చెబుతున్నారు. మరి ఈ రెండు సినిమాలు హిట్ అయితే సాయి పల్లవి కోటి డిమాండ్ చేయడం గ్యారంటీ అని సినీ పండితులు భావిస్తున్నారు.
Also, do SUBSCRIBE to our YouTube channel to get latest Tollywood updates.
