మూడేళ్ళుగా.. ఆరు ప్లాపులతో తెగ తంటాలు పడ్డ సాయి తేజ్ కి.. ‘చిత్రలహరి’ చిత్రం కాస్త ఊరటనిచ్చింది. రొటీన్ మాస్ మసాలా చిత్రాలు చేసి.. యూత్ ని బాగా విసిగించి తన మార్కెట్ ను పూర్తిగా దిగజార్చుకున్నాడు తేజు. దీంతో వెంటనే మేల్కొని ఆ మూస కథలనుండీ బయటకొచ్చి ‘చిత్రలహరి’ చేసాడు. ఈ చిత్రంలో డీసెంట్ యాక్టింగ్ తో సక్సెస్ ట్రాక్ ఎక్కేసాడనే చెప్పాలి. ఏప్రిల్ 12 న విడుదలైన ఈ చిత్రం పాజిటివ్ టాక్ తో బాక్సాఫీస్ వద్ద డీసెంట్ కలెక్షన్లను నమోదు చేస్తుంది.
విడుదలైన 4రోజుల్లోనే ఈ చిత్రం ప్రపంచ వ్యాప్తంగా 20కోట్ల గ్రాస్ ను రాబట్టింది. దీంతో బయ్యర్లు పెట్టుబడిలో 80శాతం వెనక్కు వచ్చినట్టే. ఈ వారం పూర్తయ్యేలోపు చాలా ఏరియాల్లో బ్రేక్ ఈవెన్ అయ్యే అవకాశం ఉంది. ఇక అటు ఓవర్సీస్ లో కూడా ఈ చిత్రం డీసెంట్ కలెక్షన్స్ ని రాబడుతుంది. సాయి తేజ్ కెరీర్లో ఇప్పటివరకూ ఓవర్సీస్ లో డీసెంట్ కలెక్షన్లు వచ్చింది ఈ చిత్రానికే కావడం విశేషం.
Home