టాలీవుడ్ లో హీరోయిన్ల కొరత ఉంది. ఇలాంటి సమయంలో కొత్త హీరోయిన్ల అవసరం చాలానే ఉంది. పూజా హెగ్డే, రష్మిక లాంటి హీరోయిన్లు భారీ ప్రాజెక్ట్స్ తో బిజీగా ఉన్నారు. కృతిశెట్టి లిస్ట్ లో ప్లాప్ లు ఉన్నా.. ఆమెని కూడా వదలడం లేదు. కియారా అద్వానీ, అలియాభట్ బాలీవుడ్ లో బిజీ అయిపోయారు. ఈ క్రమంలో పాన్ ఇండియా సినిమాలకు హీరోయిన్ ను వెతకడం కష్టంగా మారింది. ఈ పరిస్థితులు ‘ఏజెంట్’ బ్యూటీ సాక్షి వైద్యకు ప్లస్ అవుతున్నాయి.
ముందుగా అఖిల్ కి జోడీగా నటించే ఛాన్స్ కొట్టేసింది ఈ బ్యూటీ. ఈ సినిమా రిలీజ్ కాకుండానే ఆమెని వెతుక్కుంటూ మరో సినిమా అవకాశం వచ్చిందట. ఎనర్జిటిక్ హీరో రామ్, బోయపాటి శ్రీను కాంబినేషన్ లో సినిమా తెరకెక్కనున్న సంగతి తెలిసిందే. ఈ సినిమాలో సాక్షి వైద్యను హీరోయిన్ గా తీసుకున్నారట. ఈ విషయాన్ని అఫీషియల్ గా అనౌన్స్ చేయలేదు కానీ సాక్షి ఎంపిక దాదాపు ఫైనల్ అయినట్లేనని చెబుతున్నారు.
మోడలింగ్ తో కెరీర్ మొదలుపెట్టిన సాక్షి.. పలు యాడ్ ఫిలిమ్స్ లో నటించింది. హిందీలో అవకాశాల కోసం చూసింది కానీ ఆలస్యం కావడంతో అక్కినేని హీరో సినిమాతో టాలీవుడ్ లో ఎంటర్ అవ్వబోతుంది. ఇక ఇప్పుడు రామ్ సరసన రొమాన్స్ చేయబోతుంది. ఈ సినిమా కోసం రామ్ హెయిర్ స్టయిల్ మర్చి కొత్త లుక్ లో కనిపించబోతున్నారు. తన సినిమాల్లో హీరోలకు ఓ రేంజ్ లో ఎలివేషన్స్ ఇచ్చే బోయపాటి రామ్ ని ఎలా చూపిస్తాడా..?
అని అందరూ ఆసక్తిగా ఎదురుచూస్తున్నారు. ఇటీవల రామ్ నుంచి ‘ది వారియర్’ అనే సినిమా వచ్చింది. ఈ సినిమా పెద్దగా ఆడకపోవడంతో.. బోయపాటి సినిమాపై చాలా హోప్స్ పెట్టుకున్నారు రామ్. మరి ఈ సినిమాకి ఎలాంటి రెస్పాన్స్ వస్తుందో చూడాలి!
Most Recommended Video
అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!
