ఈ ఏడాది సెప్టెంబర్ నెల 28వ తేదీన సలార్ పార్ట్1 థియేటర్లలో రిలీజ్ కానుంది. సలార్ సినిమా కోసం ప్రభాస్ ఫ్యాన్స్ కళ్లు కాయలు కాచేలా ఎదురుచూస్తుండగా రికార్డ్ స్థాయి స్క్రీన్లలో ఈ సినిమా రిలీజ్ కానుంది. అయితే ఈ సినిమాకు పోటీగా ది వ్యాక్సిన్ వార్ సినిమా రిలీజ్ కానుంది. ది కశ్మీర్ ఫైల్స్ డైరెక్టర్ వివేక్ అగ్నిహోత్రి డైరెక్షన్ లో తెరకెక్కిన సినిమా కావడంతో ది వ్యాక్సిన్ వార్ సినిమాపై భారీ స్థాయిలో అంచనాలు ఏర్పడ్డాయి.
అయితే సలార్ కు పోటీగా ది వ్యాక్సిన్ వార్ మూవీని రిలీజ్ చేయడం అంటే సాహసం అనే చెప్పాలి. ప్రస్తుతం ప్రభాస్ కు ఉన్న క్రేజ్ మామూలుగా లేదు. అదే సమయంలో ప్రశాంత్ నీల్ కు భాషతో సంబంధం లేకుండా పాపులారిటీ ఉంది. 3000 కోట్ల రూపాయల కలెక్షన్ల టార్గెట్ తో ఈ సినిమా తెరకెక్కుతుండటం గమనార్హం. వివేక్ అగ్నిహోత్రి ఏకంగా డైనోసార్ కు ఎదురెళ్తున్నారని నెటిజన్లు కామెంట్లు చేస్తున్నారు.
సలార్ (Salaar) సినిమా టీజర్ ఇప్పటికే విడుదలై ఈ సినిమాపై అంచనాలను రెట్టింపు చేసింది. సలార్ ట్రైలర్ తో ఆ అంచనాలు మరింత పెరగడం ఖాయమని కామెంట్లు వ్యక్తమవుతున్నాయి. ఈ సినిమా ప్రభాస్ రేంజ్ ను పెంచే సినిమా అవుతుందని కొంతమంది కామెంట్లు చేస్తున్నారు. సలార్ సినిమా ఎన్నో ప్రత్యేకతలతో తెరకెక్కుతోంది. ఈ సినిమాలో సెకండాఫ్ మామూలుగా ఉండదని తెలుస్తోంది.
ప్రభాస్ సైతం సలార్ సినిమాపై చాలా ఆశలు పెట్టుకున్నారు. ఈ సినిమా రెండు భాగాలుగా తెరకెక్కుతుండగా బాక్సాఫీస్ ను షేక్ చేసే సినిమా ఇదేనని ఫ్యాన్స్ ఫిక్స్ అయ్యారు. ఈ ఏడాది బిగ్గెస్ట్ హిట్ గా సలార్ మూవీ నిలిచే అవకాశాలు ఎక్కువగా ఉన్నాయి. ఈ సినిమా బాహుబలి2 సినిమాను మించిన హిట్ గా నిలుస్తుందని అభిప్రాయాలు వ్యక్తమవుతున్నాయి. సలార్ సినిమాకు యాక్షన్ సీక్వెన్స్ లు హైలెట్ గా నిలవనున్నాయని తెలుస్తోంది.
జైలర్ సినిమా రివ్యూ & రేటింగ్!
భోళా శంకర్ సినిమా రివ్యూ & రేటింగ్!
‘భోళా శంకర్’ తో పాటు సిస్టర్ సెంటిమెంట్ తో రూపొందిన సినిమాల లిస్ట్..!
