సల్మాన్ ఖాన్‌పై విమర్శలు, రూమర్లు, కామెంట్స్ రావడం చాలా సాధారణం. ఒక్కోసారి ఈ కామెంట్స్ కాస్త ఘాటుగా, ఇబ్బంది పెట్టేవిగా ఉంటాయి. అందులో ఎక్కువ శాతం అతని పెళ్లి, ప్రేమ అనేవి కీలకంగా ఉంటూ వచ్చాయి. తాజాగా మరోసారి అలాంటి విమర్శలే వచ్చాయి. ఈసారి కామెంట్స్ చేసింది ఎవరో కాదు అతని మాజీ ప్రేయసి సోమీ అలీ. చాలా రోజుల క్రితంలో ఇద్దరూ ప్రేమలో ఉన్నారని వార్తలొచ్చాయి. ఆమెనే ఇప్పుడు సల్మాన్‌ను విమర్శించింది. అయితే ఆ పోస్ట్‌ను తర్వాత డిలీట్ చేసింది.
సోమీ అలీ ఆ పోస్టు డిలీట్ చేసినా.. ఇప్పటికే ఆ స్క్రీన్‌ షాట్‌ వైరల్‌ అయిపోయింది. అందులో చూస్తే సల్మాన్‌ను ఏకంగా ఆమె లైంగిక ఉన్మాదిగా అభివర్ణించింది. తనను సిగరెట్లతో కాల్చుతూ హింసించాడంటూ సంచలన ఆరోపణలు చేసింది. నిజానికి సోమీ అలీ అంటే ఇప్పటి యూత్‌కి తెలియదు. 90ల కాలంలో సల్మాన్ ప్రేయసిగా సోమీ అలీ బాగా పాపులర్. పాకిస్థాన్‌లో పుట్టిన సోమీ అలీ అమెరికాలో స్థిరపడింది. సల్మాన్ వీరాభిమానిగా ఆయన్ని ఆరాధించింది. సల్మాన్ కోసం ఏకంగా ఇండియా వచ్చింది.
అప్పటికే మోడలింగ్ పట్ల ఆసక్తి ఉన్న సోమీ అలీ తర్వాత హీరోయిన్‌ అయ్యింది. 1993లో ‘కృష్ణ అవతార్’ అనే సినిమాతో సోమీ అలీ హీరోయిన్‌ అయ్యింది. అయితే అప్పటికే సల్మాన్‌తో ఆమెకు రిలేషన్ ఏర్పడింది అంటారు. 1994 నుండి బిజీ నాయికగా మారిన సోమీ అలీ 1997తర్వాత సిల్వర్ స్క్రీన్‌కి దూరమైంది. అలా ఏడేళ్లకు పైగా సల్మాన్ – సోమీ అలీ ఎఫైర్ నడిచిందంటారు అప్పటి సినీ జనాలు. అప్పట్లో వీరి రిలేషన్ గురించి బాలీవుడ్ మీడియా ఎక్కువగా రాసేదట.
ఒకానొక దశలో ఇద్దరూ వివాహం చేసుకుంటారనే ప్రచారమూ జరిగింది. అయితే అనూహ్యంగా సోమీ అలీతో సల్మాన్ ఖాన్‌కి బ్రేకప్ అంటూ వార్తలొచ్చాయి. ఆ తర్వాత కొన్ని రోజులకు సోమీ అమెరికా వెళ్లిపోయింది. అయితే అర్ధాంతరంగా సోమీ అలీ పరిశ్రమను వదిలేసిపోవడానికి సల్మాన్ కారణం అనే ఆరోపణలు కూడా ఉన్నాయి. సోమీ అలీ గతంలో కొన్ని సందర్భాల్లో విమర్శలు చేసింది. ఇప్పుడు మళ్లీ అదే ప్రయత్నం చేసింది. అయితే ఆ కామెంట్లు ఎందుకు డిలీట్ చేసింది అనేది తెలియాల్సి ఉంది.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
