సల్మాన్ ఖాన్, ప్రభుదేవా కాంబినేషన్ లో వచ్చిన ‘రాధె’ సినిమాను సోషల్ మీడియాలో ఎంతగా ట్రోల్ చేశారో అందరికీ తెలిసిందే. ఎంత ట్రోల్ చేసి, నెగెటివ్ కామెంట్స్ చేస్తే ఏంటి…? ఫైనల్ గా ఈ సినిమాతో నిర్మాతలు లాభపడడం అందరినీ ఆశ్చర్యపరుస్తుంది. ఈ విషయంలో దర్శకనిర్మాతలు చాలా సంతోషంగా ఉన్నారని తెలుస్తోంది. ఈ సినిమాను సల్మాన్ ఖాన్ స్వయంగా నిర్మించిన సంగతి తెలిసిందే. ఈ సినిమా కోసం మొత్తం రూ.80 కోట్లు ఖర్చు పెట్టాడు.
థియేటర్లో రిలీజ్ చేయాలనుకున్నప్పటికీ పరిస్థితులు అనుకూలించక ఓటీటీలో రిలీజ్ చేశారు. ఈ సినిమా థియేట్రికల్, డిజిటల్ రైట్స్, శాటిలైట్ రైట్స్ కలిపి జీ నెట్ వర్క్ వాళ్లకు ఒకేసారి అమ్మేశారు. ఈ డీల్ రూ.190 కోట్ల దగ్గర తెగింది. అంటే ప్రస్తుతానికి సల్మాన్ ఖాన్ కు పెట్టిన పెట్టుబడి తీసేయగా.. రూ.110 కోట్ల లాభం వచ్చిందన్నమాట. ఈ సినిమాను కొన్న జీ నెట్ వర్క్ సంస్థకు కూడా బాగానే గిట్టుబాటు అయినట్లు ఉంది.
ఓటీటీలు, డీటీహెచ్ల ద్వారా పే పర్ వ్యూ పద్ధతిలో రిలీజ్ చేసింది ఈ సంస్థ. కోటి మందికి పైగానే ఈ సినిమాను ఓటీటీ, డీటీహెచ్ లలో వీక్షించారు. ఆ లెక్క చూస్తే రూ.250 కోట్లకు పైగా ఆదాయం వచ్చి ఉంటుంది. ఇంకా జీ ఛానెల్స్ లో ఈ సినిమాను ప్రీమియర్ వేయాల్సి ఉంది. అలా కూడా ఆదాయం వచ్చే ఛాన్స్ ఉంది. మొత్తంగా చూసుకుంటే జీ వాళ్లు కూడా వంద కోట్లకు తక్కువ కాకుండా సంపాదించుకుంటున్నారని తెలుస్తోంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
