Salman Khan, Pragya Jaiswal: ప్రగ్యాకు అన్యాయం చేసిన సల్మాన్ ఖాన్!

‘కంచె’ సినిమాతో హీరోయిన్ గా మంచి విజయాన్ని అందుకున్నప్పటికీ.. ప్రగ్యా జైస్వాల్ కి సరైన అవకాశాలు రాలేదు. హీరోయిన్ గా నటించిన సినిమాలు కూడా పెద్దగా సక్సెస్ అవ్వలేదు. అలాంటి సమయంలో ఆమెకి బాలకృష్ణ నటించిన ‘అఖండ’ సినిమాలో హీరోయిన్ గా అవకాశం వచ్చింది. ఇందులో ఆమె ఐఏఎస్ ఆఫీసర్ గా కనిపించనుంది. ఈ సినిమాతో తనకు బ్రేక్ వస్తుందని ఆశిస్తుంది ప్రగ్యా జైస్వాల్. ఇదిలా ఉండగా.. బాలీవుడ్ లో ఈ బ్యూటీకి ‘అంతిమ్’ అనే సినిమాలో అవకాశం వచ్చింది.

ఇందులో సల్మాన్ సరసన హీరోయిన్ గా అనేసరికి ప్రగ్యా ఎగిరి గంతేసింది. ఈ సినిమాతో తన దశ తిరిగిపోతుందని భావించింది. కానీ ఇప్పుడేమో ఆమె నటించిన సన్నివేశాలను ఎడిటింగ్ రూమ్ లో కట్ చేసేసినట్లు తెలుస్తోంది. అసలు విషయంలోకి వస్తే.. సల్మాన్ చెల్లెలి భర్త ఆయుష్ శర్మ హీరోగా ‘అంతిమ్’ సినిమా తెరకెక్కుతోంది. ఈ సినిమాను నిర్మించడంతో పాటు సల్మాన్ కీలకపాత్ర పోషించారు. దర్శకుడు మహేష్ మంజ్రేకర్.. సల్మాన్ కి ఓ లవ్ ట్రాక్ కూడా పెట్టారు.

కొన్ని రొమాంటిక్ సన్నివేశాలతో పాటు ఓ పాటను కూడా చిత్రీకరించారు. కానీ ఇప్పుడు ఎడిటింగ్ లో ఆ సన్నివేశాలను తీసేశారట. ఈ రొమాంటిక్ ట్రాక్ లేకపోతే బెటర్ గా ఉంటుందని భావించడంతో ఎడిటింగ్ లో మొత్తం ఎపిసోడ్ ను డిలీట్ చేసేశారు. దీంతో ప్రగ్యా చాలా అప్సెట్ అయిందని తెలుస్తోంది. ఈ శుక్రవారం నాడు ‘అంతిమ్’ ప్రేక్షకుల ముందుకు రానుంది.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!