కరోనా వైరస్ సినిమా ఇండస్ట్రీపై ఎంతగా ప్రభావం చూపించిందో తెలిసిందే. దీని కారణంగా సినిమాల బిజినెస్ బాగా దెబ్బ తింది. షూటింగులన్నీ ఆగిపోయాయి. విడుదలకు సిద్ధమైన సినిమాలను పక్కన పెట్టేయాల్సి వచ్చింది. ఆర్థికంగా సినిమా ఇండస్ట్రీ నష్టాలపాలైంది. దీంతో ప్రస్తుతం సినిమాల విషయంలో ప్రొడక్షన్ కాస్ట్ తగ్గించుకోవాల్సి వస్తోంది. యాభై శాతం ఆక్యుపెన్సీతో థియేటర్లు ఓపెన్ చేశారు. అవి పూర్తి స్థాయిలో ఎప్పుడు తెరుచుకుంటాయి తెలియదు. ఈ నేపథ్యంలో కొన్నాళ్ల వరకు సినిమాలకు అనుకున్నంతగా బిజినెస్ జరగదని అంచనా వేశారు.
కానీ ఇలాంటి సమయంలో బాలీవుడ్ స్టార్ హీరో సల్మాన్ ఖాన్ కొత్త సినిమా ‘రాధే’కు పలికిన రేటు ఇప్పుడు హాట్ టాపిక్ గా మారింది. సల్మాన్ హీరోగా ఆయన సొంత నిర్మాణ సంస్థలో ప్రభుదేవా దర్శకత్వంలో తెరకెక్కిన చిత్రం ‘రాధే’. ఈ సినిమాకి సంబంధించి హోల్ సేల్ గా అన్ని హక్కులు కలుపుకొని రూ.230 కోట్లకు జీస్టూడియోస్ కొనేసినట్లు సమాచారం. మొదట ఈ సినిమాను యష్ రాజ్ ఫిలిమ్స్ ద్వారా రిలీజ్ చేయాలనుకున్నారు.
కానీ జీస్టూడియోస్ భారీ మొత్తం చెల్లించి సినిమా హక్కులన్నీ కొనేశారు. తెలుగులో ‘సోలో బ్రతుకే సో బెటర్’ సినిమాను కూడా ఇలానే మొత్తంగా కొనేసింది ఈ సంస్థ. పూర్తి స్థాయిలో థియేటర్లు తెరుచుకునేప్పుడు సల్మాన్ సినిమాను థియేటర్లో రిలీజ్ చేయాలనుకుంటున్నారు. ఆ తరువాత జీ5 లో డిజిటల్ గా రిలీజ్ చేసి.. ఆపై జీ ఛానెల్స్ లో ప్రీమియర్లు వేయనున్నారు.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home