ఇటీవల తమిళ్ లో ఇలయతలపతి విజయ్ హీరోగా తెరకెక్కి సూపర్ హిట్ కొట్టిన సినిమా మాస్టర్. ఇక తెలుగులో డబ్ కాబడ్డ ఈ సినిమా ఇక్కడ కూడా మంచి వసూళ్లు అందుకుంది. అంతకముందు కార్తీ తో ఖైదీ వంటి బ్లాక్ బస్టర్ మూవీ తీసిన లోకేష్ కనకరాజ్, మాస్టర్ తో మరొక సక్సెస్ ని తన ఖాతాలో వేసుకున్నారు. విజయ్ సరసన మాళవిక మోహనన్ హీరోయిన్ గా నటించిన ఈ మాస్ యాక్షన్ ఎంటర్టైనర్ లో విజయ్ సేతుపతి విలన్ గా యాక్ట్ చేయగా అనిరుద్ మ్యూజిక్ అందించారు.
అయితే ఈ సినిమాని బాలీవుడ్ లో కండల వీరుడు సల్లు భాయ్ రీమేక్ చేయనున్నారు అంటూ కొద్దిరోజులుగా బి టౌన్ ఫిలిం నగర్ వర్గాల్లో వార్తలు ప్రచారం అవుతున్నాయి. నిజానికి ఈ సినిమాని సల్మాన్ తన సొంత సంస్థపై రీమేక్ చేద్దాం అని మొదట భావించారట, అయితే కొన్ని అనుకోని కారణాల వలన ఇటీవల ఆయన ఆ ఆలోచనని విరమించుకున్నారని సమాచారం. కారణాలు తెలియరానప్పటికీ మాస్టర్ మాత్రం పక్కాగా బాలీవుడ్ లో రీమేక్ అయ్యే ఛాన్స్ అయితే ఇక లేనట్లే అంటున్నాయి సినిమా వర్గాలు.
కాగా సల్లు భాయ్ కన్ను మెగాస్టార్ తీస్తున్న లూసిఫర్ రీమేక్ మూవీ గాడ్ ఫాదర్ మీద పడ్డాయని, ప్రస్తుతం తన టీమ్ తో కలిసి చర్చిస్తున్న సల్మాన్, త్వరలో లూసిఫర్ మూవీ హిందీ రీమేక్ విషయమై మెగాస్టార్ తో మాట్లాడే ఛాన్స్ ఉందని సమాచారం. కాగా గాడ్ ఫాదర్ లో సల్మాన్ నటిస్తున్నారు అంటూ ఇటీవల న్యూస్ వైరల్ అవగా, అదంతా ఒట్టిదే అని ఇన్నర్ వర్గాలు అంటున్నాయట.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
Home