వయసు పెరిగే కొద్దీ రిస్క్ చేయాలన్న ఆలోచన కొంతమంది హీరోలకు తగ్గుతూ ఉంటుంది. అయితే కొంతమందికి మాత్రం ఊపొస్తుంటుంది. అలాంటి వారిలో బాలీవుడ్ స్టార్ హీరో సల్మాన్ ఖాన్ (Salman Khan) ఒకరు. ఇప్పుడు ఆయన కొత్త సినిమా కోసం మరోసారి రిస్క్ చేస్తున్నారు. ‘టైగర్ 3’ సినిమా తర్వాత సల్మాన్ చాలా కథలు విని.. ఆఖరికి మురుగదాస్ (A.R. Murugadoss) సినిమా ఓకే చేశారు. ఆ సినిమా చిత్రీకరణ త్వరలో ప్రారంభమవుతుందట. దీనికి సంబంధించిన అప్డేట్ ఒకటి బయటకు వచ్చింది.
‘సికిందర్’ అనే పేరు పెట్టిన ఈ సినిమా చిత్రీకరణ 18 నుండి ప్రారంభమవుతుందట. ఈ మేరకు నిర్మాత సాజిద్ నడియాడ్వాలా ఓ ట్వీట్ చేశారు. ‘సికందర్’ యాక్షన్ ప్రారంభం కానుంది. మొదటి రోజున అతిపెద్ద ఎయిర్ యాక్షన్ సీక్వెన్స్తో షూటింగ్ ఆరంభించనున్నాం. ఈ షూటింగ్ కోసం చాలా ఆతృతగా ఎదురుచూస్తున్నాం అని ట్వీట్లో రాసుకొచ్చారు సాజిద్ నడియాడ్వాలా. సముద్రమట్టానికి సుమారు 33,000 అడుగుల ఎత్తులో ఆ వైమానిక యాక్షన్ సీక్వెన్స్ చిత్రీకరిస్తారట.
ఈ సినిమాకు ఈ సీన్స్ కీలకంగా ఉంటాయని టీమ్ చెబుతోంది. ఇక ఈ సినిమాను సల్మాన్కి అచ్చొచ్చే రంజాన్ సందర్భంగా రిలీజ్ చేయస్తారట. అంటే వచ్చే ఏడాది మార్చి 28న ఈ సినిమా థియేటర్లలోకి వచ్చే అవకాశం ఉంది. ఎలాగూ ఈ సినిమాలో హీరోయిన్గా రష్మిక మందన (Rashmika) నటిస్తోంది కాబట్టి తెలుగులో కూడా భారీగానే రిలీజ్ చేయొచ్చు. ఇక దర్శకుడు మురుగదాస్ తమిళ వ్యక్తి కాబట్టి తమిళంలో కూడా ఈ సినిమా రిలీజ్ ఉంటుంది అని చెబుతున్నారు.
అయితే మరి ఆ రోజుకు ఎలాంటి నిర్ణయాలు ఉంటాయో చూడాలి. మామూలుగా అయితే కమర్షియల్ కథకు తనదైన శైలిలో సందేశం జోడించి సినిమాలు చేయడం మురగదాస్కి అలవాటు. మరి ఈసారి సల్మాన్ ఖాన్తో ఎలాంటి కథను ఎంచుకున్నారు, అందులో ఏం సందేశం చూపించబోతున్నారు అనే ఆసక్తి అందరిలోనూ ఉంది. ఆయన కథ అయితన ‘స్టాలిన్’ను (Satlin) సల్మాన్ హిందీలో ‘జైహో’గా నటించిన విషయం తెలిసిందే.
