బాలీవుడ్ స్టార్ హీరో సల్మాన్ ఖాన్ గతంలో సౌత్ సినిమాలను హిందీలో రీమేక్ చేసి హిట్లు అందుకున్నారు. ‘వాంటెడ్’, ‘కిక్’ లాంటి సినిమాలు సల్మాన్ కు మంచి పేరుని తీసుకొచ్చాయి. దీంతో ఈ హీరో సౌత్ లో ఏదైనా సినిమా ఇంట్రెస్టింగ్ గా అనిపిస్తే రీమేక్ చేయడానికి రెడీగా ఉంటాడు. తెలుగు, తమిళ సినిమాలపై ఎప్పుడూ ఓ కన్నేసి ఉంచుతాడు సల్మాన్. కొన్నిరోజులుగా సల్మాన్ ‘మాస్టర్’ సినిమాను హిందీలో రీమేక్ చేయబోతున్నట్లు వార్తలు వస్తున్నాయి.
తాజాగా సల్మాన్ ఖాన్ దృష్టి మరో రీమేక్ పై పడిందని సమాచారం. రవితేజ హీరోగా రమేష్ వర్మ దర్శకత్వంలో ‘ఖిలాడి’ అనే సినిమా తెరకెక్కుతోన్న సంగతి తెలిసిందే. ఇటీవల విడుదలైన ఈ సినిమా టీజర్ సల్మాన్ కి బాగా నచ్చిందట. దీంతో వెంటనే దర్శకనిర్మాతలను కాంటాక్ట్ చేసినట్లు సమాచారం. ‘ఖిలాడి’ రీమేక్ రైట్స్ ను సొంతం చేసుకోవడానికి సల్మాన్ ఆసక్తిగా ఉన్నాడు. అంతేకాదు.. ఒరిజినల్ డైరెక్టర్ రమేష్ వర్మను హిందీ రీమేక్ కూడా డైరెక్ట్ చేయమని ఆఫర్ చేస్తున్నారట.
ప్రస్తుతం ఇదంతా చర్చల దశలోనే ఉందని తెలుస్తోంది. గతంలో సల్మాన్.. రవితేజ నటించిన ‘కిక్’ సినిమా రీమేక్ లో కనిపించారు. ఇప్పుడు మరోసారి రవితేజ కథ మీదే ఆసక్తి చూపుతున్నాడు సల్మాన్. ప్రస్తుతం ‘ఖిలాడి’ సినిమా షూటింగ్ దశలో ఉంది. ఇందులో రవితేజ ద్విపాత్రాభినయం చేస్తున్నాడు. డింపుల్ హయతి, మీనాక్షి చౌదరి ఈ సినిమాలో హీరోయిన్లుగా కనిపించనున్నారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home