వరుణ్ తేజ్ నటించిన ‘గని’ సినిమాతో టాలీవుడ్ లో హీరోయిన్ గా ఎంట్రీ ఇచ్చింది సయీ మంజ్రేకర్. ఈ సినిమా ఫ్లాప్ అయినప్పటికీ సయీ లుక్స్ కి మంచి మార్కులు పడ్డాయి. ఇప్పుడు ఈ బ్యూటీ నటించిన ‘మేజర్’ సినిమా ప్రేక్షకుల ముందుకు వచ్చింది. ఈ సినిమాకి హిట్ టాక్ రావడంతో తెలుగులో తొలి సక్సెస్ ను అనుకుంది సయీ మంజ్రేకర్. ఈ సినిమాలో ఆమె లుక్స్, పెర్ఫార్మన్స్ ఆకట్టుకోవడంతో సయీ మంజ్రేకర్ కి తెలుగులో అవకాశాలు వస్తున్నాయి.
ఇటీవల ఓ స్టార్ హీరో సినిమాలో ఆమెని హీరోయిన్ గా తీసుకోవడానికి దర్శకనిర్మాతలు సయీని సంప్రదించారట. నేరేషన్ ఇస్తానని దర్శకుడు చెప్పగా.. ఆ బ్యూటీ సల్మాన్ ఖాన్ కి కూడా కథ చెప్పాలని కోరిందట. దీంతో దర్శకనిర్మాతలకు విషయం అర్ధం కాలేదట. ఓ యంగ్ హీరోయిన్ తో సినిమా చేయాలంటే సల్మాన్ కి కథ చెప్పడమేంటా..? అనుకున్నారు.
అసలు విషయంలోకి వస్తే.. ప్రముఖ దర్శకుడు, నటుడు మహేష్ మంజ్రేకర్ కూతురే సయీ మంజ్రేకర్. మహేష్ మంజ్రేకర్, సల్మాన్ ఖాన్ మంచి స్నేహితులు. తన కూతురు సినిమా కెరీర్ కి సంబంధించిన బాధ్యతను సల్మాన్ తీసుకోవాలని మహేష్ కోరాడట. దీంతో సయీ మంజ్రేకర్ తెలుగు సినిమా ఒప్పుకున్నా.. హిందీ సినిమా ఒప్పుకున్నా ముందుగా సల్మాన్ ని కలిసి కథ చెప్పాల్సిందే.
సల్మాన్ ఖాన్ ఓకే చెప్పిన తరువాతే సయీ మంజ్రేకర్ సినిమా సైన్ చేస్తుందట. సల్మాన్ ఖాన్ నటించిన ‘దబాంగ్ 3’ సినిమాతోనే సయీ మంజ్రేకర్ హీరోయిన్ గా ఎంట్రీ ఇచ్చింది. ఇప్పుడు ఆమె ఫ్యూచర్ సినిమాల్లో కూడా సల్మాన్ ఖాన్ ఇన్వాల్వ్ అవుతున్నారు. సో.. సయీ మంజ్రేకర్ తో సినిమా చేయాలనుకునే వారికి సల్మాన్ ని మీట్ అయ్యే ఛాన్స్ దొరుకుతుందన్నమాట!
Most Recommended Video
విక్రమ్ సినిమా రివ్యూ & రేటింగ్!/a>
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
