సమంత మరోసారి తన పేరు మార్చుకుంది. అదేంటి ఇప్పుడు మళ్ళీ పేరు మార్చుకోవడమేంటి అని అనుకుంటున్నారా? అయితే అది బయట కాదు… తన సోషల్ మీడియాలో మాత్రమే. పెళ్ళి కాకముందు ‘సమంత రూత్ ప్రభు’ గా ఉండే ఆమె పేరు…, అక్కినేని నాగ చైతన్యతో పెళ్ళైన తరువాత ‘సమంత అక్కినేని’గా సోషల్ మీడియాలో పేరును మార్చుకుంది. తరువాత చాలా గ్యాప్ ఇచ్చి ఇప్పుడు తన పేరును మార్చుకుంది.
తాజాగా సమంత అక్కినేని కాస్తా బేబి అక్కినేనిగా మారింది. దీనికి ముఖ్యకారణం… ప్రస్తుతం సామ్ నటిస్తున్న ‘ఓ బేబీ’ చిత్రం ప్రమోషన్లలో భాగంగా ఇలా పేరు మార్చుకున్నట్టు స్పష్టమవుతుంది. తాజాగా విడుదల చేసిన ‘ఓ బేబీ’ టీజర్ కు కూడా అద్భుతమైన స్పందన లభించింది. దీంతో ఈ చిత్రం పై క్రేజ్ అమాంతం పెరిగిపోయింది. త్వరలోనే ఈ చిత్రం విడుదల కాబోతుంది. ఈ చిత్రం కోసమే సామ్ తన పేరును మార్చుకుంది. పేరుతో పాటూ తన డీపీని కూడా మార్చి.. ‘ఓబేబీ’ చిత్రాన్ని బాగా ప్రమోట్ చేస్తుంది.
