టామీ హిల్ ఫిగర్ సంస్థ తమ కొత్త బ్రాండ్ అంబాసిడర్ ఎవరో ప్రకటించింది. టాలీవుడ్ స్టార్ హీరోయిన్ సమంతను తమ కంపెనీకి బ్రాండ్ అంబాసిడర్ గా ఎంపిక చేసింది. టామీ హిల్ ఫిగర్. ఈ సంస్థకు చెందిన మహిళల వాచ్ లకు సంబంధించిన ప్రకటనల్లో సామ్ కనిపించనున్నారు. స్ప్రింగ్ సమ్మర్ 23 క్యాంపెయిన్లో భాగంగా ఏప్రిల్ నెలలో టామీ హిల్ ఫిగర్ విడుదల చేసే ప్రకటనల్లో సమంత దర్శనమివ్వనున్నారు. అమెరికాకు చెందిన టామీ సంస్థ ప్రకటనల్లో ఇప్పటివరకు పలువురు పాప్ ఐకాన్స్ కనిపిస్తూ వచ్చారు.
అయితే తొలిసారి ఇందులో సమంతకు (Samantha) నటించే అవకాశం లభించింది. ఆమెకు సంబంధించి యాడ్స్ అమితాబ్ కామే చిత్రీకరించనున్నారు. ఈ షూటింగ్ ముంబైలో జరగనుంది. టామీ హిల్ ఫిగర్ నుంచి రాబోతున్న విమెన్ కలెక్షన్ వాచ్ ల్లో ఈసారి వైవిధ్యతకు అధిక ప్రాధాన్యం ఇచ్చారని సమాచారం. స్టైల్ తోపాటు రోజువారీ జీవితంలో వాడేలా సింపుల్ గానూ అలాగే స్పోర్టీగానూ వాచ్ లను డిజైన్ చేశారు. సమంత బ్రాండ్ అంబాసిడర్ గా వ్యవహరించడంపై మోవాడా గ్రూప్ ప్రెసిడెంట్ రిచర్డ్ సీజర్ మార్టిన్స్ హర్షం వ్యక్తం చేశారు.
టామీ బ్రాండ్ సమ్మర్ 2023 వాచ్ కలెక్షన్ లు సమంతతో కలసి ప్రవేశపెడుతున్నందుకు ఉద్విగ్నంగా అలాగే గర్వంగానూ ఉందని ఆయన చెప్పారు. ఈ సీజన్ తమ వారసత్వాన్ని భవిష్యత్తులో ఎలా కొనసాగిస్తామనే దానికి తార్కాణంగా నిలవబోతోందన్నారు. సరికొత్త డిజైన్లు, నూతన రంగుల్లో ఉత్పత్తులను అందించడం టామీ సంస్థ ప్రత్యేకత అని రికార్డో సీజన్ పేర్కొన్నారు. సమంతలాగే ఈ కొత్త వాచ్ లు కూడా డిజైన్, రంగు, నాణ్యతలో ఎంతో అపూర్వమని వ్యాఖ్యానించారు.
టామీ నుంచి వస్తున్న విమెన్స్ వాచ్ ల్లో స్టీల్, గోల్డ్ ప్లేట్, లెదర్వి కూడా ఉన్నాయి. అన్ని వేడుకులకు ధరించేలా వీటిని డిజైన్ చేశారని తెలుస్తోంది. వాచ్ లే కాకుండా బ్రేస్లెట్లా కూడా ఈ టామీ కంపెనీ రూపొందించింది. తనను బ్రాండ్ అంబాసిడర్ గా నియమించడంపై సమంత స్పందించారు. టామీ ఫ్యామిలీలో భాగమవుతున్నందుకు చాలా సంతోషంగా ఉందని ఆమె అన్నారు. వ్యక్తిగత అందంలో గడియారాలను ఒక భాగంగా తాను చూస్తూ వచ్చానన్నారు సామ్.
టామీ సంస్థ ఒక గ్లోబల్ బ్రాండ్ అని. ప్రతి వ్యక్తికి తమ వ్యక్తిగత స్టైల్, డిజైన్ ఉండేలా ఈ కంపెనీ ఉత్పత్తులను అందిస్తుందని సమంత ప్రశంసలు కురిపించారు. ఈ సంస్థ వాచ్లు ఎంతో ప్రత్యేకంగా ఉంటాయని.. ఇవి తన వైవిధ్యమైన లుక్స్ కు సరిగ్గా సరిపోతాయని చెప్పుకొచ్చారు. టామీ నుంచి వస్తున్న స్ప్రింగ్ సమ్మర్ వాచ్లు తనకు ఎంతో నచ్చాయని.. వీటిని అందరికీ పరిచయం చేసేందుకు తాను ఆసక్తిగా ఎదురు చూస్తున్నానని సమంత పేర్కొన్నారు.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
