సమంత నటనపై అభినందనలు కురిపించిన రామ్ చరణ్.!

హీరో గురించి హీరోయిన్ అభినందనలు కురిపించడం కామన్. కానీ హీరో హీరోయిన్ ని ప్రశంసించడం ఇప్పుడు హాట్ టాపిక్ అయింది. సుకుమార్ దర్శకత్వంలో రామ్ చరణ్ నటించిన మూవీ రంగస్థలం. ఇందులో సమంత హీరోయిన్ గా నటించింది. ఈ చిత్రం షూటింగ్ పూర్తి చేసుకొని రిలీజ్ కావడానికి సిద్ధంగా ఉంది. మరో మూడు రోజుల్లో థియేటర్లో రానున్న సందర్భంగా చిత్ర యూనిట్ సినిమా ప్రమోషన్లో బిజీగా ఉంది. ఇందులో భాగంగా మీడియా ముందుకు వచ్చిన చరణ్ అనేక ఆసక్తికర విషయాలు చెప్పారు. ముఖ్యంగా తన కో స్టార్ సమంతపై అభినందనల జల్లు కురిపించారు. “సమంత చిన్నప్పటి నుంచి సిటీలోనే పెరిగింది. పల్లెటూరి వాతావరణం,

అక్కడి జీవన విధానంపై అసలు అవగాహన లేదు. అటువంటిది.. పాతికేళ్ల క్రితం గ్రామాల్లో అమ్మాయి ఏ విధంగా ఉండేదో తెలుసుకొని.. ఆ విధంగా నటించింది. ఈ సినిమాలో  సమంత గ్రామీణ యువతిగా టాప్ క్లాస్ పెర్ఫార్మెన్స్ ఇచ్చింది. ఆమెను చూసి నేను కూడ ఇన్స్పిరేషన్ పొందాను. ఆమె కన్నా బాగా చేయాలని పోటీ పడి నటించాను ” అని అన్నారు. ఇంకా చరణ్ మాట్లాడుతూ ” సమంత సహా నటిగా ఉంటే ఏ హీరో నటనలో అయినా కొంత భిన్నత్వం, కొత్తదనం కనిపిస్తుంది. అందుకు ఆమె నటనే కారణం” అని వెల్లడించారు. బహుశా అందుకేనేమో సమంత పాత్రకు సంబంధించిన టీజర్ ని రిలీజ్ చేశారు. మైత్రి మూవీ మేకర్స్ వారు నిర్మించిన ఈ సినిమా ఈనెల 30 న గ్రాండ్ గా రిలీజ్ కానుంది.