యంగ్ టైగర్ ఎన్టీఆర్, టాలీవుడ్ క్యూట్ గర్ల్ సమంతల జోడీ సూపర్ గా ఉంటుంది. వీరి ఆన్ స్క్రీన్ కెమిస్ట్రీ బాగా పండుతుంది. బృందావనం, రామయ్య వస్తావయ్యా, రభస, జనతా గ్యారేజ్ చిత్రాల్లో తారక్ తో కలిసి సమంత ఆడిపాడింది. ఇప్పుడు మరో సారి జతకట్టనుంది. ఎన్టీఆర్ ప్రస్తుతం బాబీ దర్శకత్వంలో నటించేందుకు గ్రీన్ సిగ్నల్ ఇచ్చారు. ఎన్టీఆర్ ఆర్ట్స్ బ్యానర్లో నందమూరి కళ్యాణ్ రామ్ నిర్మించనున్న ఈ మూవీ సంక్రాంతి తర్వాత పట్టాలెక్కనుంది. ప్రీ ప్రొడక్షన్ వర్క్ వేగంగా జరుపుకుంటున్న ఈ ఫిల్మ్ కోసం ఆర్టిస్టులు, టెక్నీషియన్లను సెలక్ట్ చేసేపనిలో డైరక్టర్ బిజీగా ఉన్నారు.
హీరోయిన్ గా కాజల్ అగర్వాల్ ని మొదట అనుకున్నారు. ఇప్పుడు ఆస్థానం సమంతకు వెళ్లినట్లు తెలిసింది. ఎన్టీఆర్ తో నటించడం కంఫర్ట్ గా ఉంటుందని ఆమె కూడా ఒకే చెప్పినట్లు సమాచారం. రెండురోజుల క్రితం ట్విట్టర్లో సమంత “త్వరలో నేను చేయనున్న ప్రాజక్టుల గురించి ప్రకటిస్తాను” అని ట్వీట్ చేసింది. అంతేకాదు ఏ భాషలో అని ఓ అభిమాని అడగగా “తెలుగులో” అని బదులిచ్చింది. ఈ ట్వీట్స్ ఈ వార్తకు బలాన్ని ఇస్తోంది. యువ సామ్రాట్ నాగ చైతన్యతో ప్రేమ విషయం బయటపడిన తర్వాత స్యామ్ ఏ తెలుగు చిత్రాన్ని ఒప్పుకోలేదు. ఆమెపై ఉన్న క్రేజ్ ఈ చిత్రానికి ప్లస్ కానుంది.
Also, do SUBSCRIBE to our YouTube channel to get latest Tollywood updates.
