టాలీవుడ్, కోలీవుడ్ ఇండస్ట్రీలలో స్టార్ హీరోయిన్ గా గుర్తింపును సంపాదించుకున్న సమంత బాలీవుడ్ ఇండస్ట్రీపై మాత్రం దృష్టి పెట్టలేదనే సంగతి తెలిసిందే. తనకు మంచి పేరు తెచ్చిపెట్టిన ఈ రెండు ఇండస్ట్రీలకే సమంత పరిమితమయ్యారు. అయితే ఫ్యామిలీ మేన్ 2 వెబ్ సిరీస్ ద్వారా సమంత బాలీవుడ్ ఎంట్రీ జరుగుతోంది. ఫ్యామిలీ మేన్ 2 హిట్ అయితే మాత్రం సమంతకు బాలీవుడ్ లో ఆఫర్లు వచ్చే అవకాశం ఉంది. సౌత్ ఇండస్ట్రీ నుంచి ఇప్పటికే పలువురు హీరోయిన్లు బాలీవుడ్ ఇండస్ట్రీలోకి వెళ్లి సత్తా చాటారు.
ఇప్పటికే విడుదలైన ఫ్యామిలీ మేన్ 2 ట్రైలర్లో సమంత లుక్ ప్రేక్షకులకు విపరీతంగా నచ్చింది. తన సినీ కెరీర్ లో ఎక్కువగా పాజిటివ్, గ్లామరస్ రోల్స్ లో నటించిన సమంత తొలిసారి నెగిటివ్ షేడ్స్ తో ఉన్న పాత్రలో నటిస్తున్నారు. సమంత బాలీవుడ్ మీడియా ప్రమోషన్స్ లో పాల్గొంటూ వెబ్ సిరీస్ పై అంచనాలను భారీగా పెంచే ప్రయత్నం చేస్తున్నారు. బాలీవుడ్ సినిమాల్లో నటించకపోవడానికి కారణం ఏమిటనే ప్రశ్నకు సమంత స్పందిస్తూ బాలీవుడ్ ఇండస్ట్రీకి చెందిన నటులు చాలా టాలెంటెడ్ అని పేర్కొన్నారు.
బాలీవుడ్ నటులతో పోటీ పడగలమా అనే భయం తనకు ఉండేదని అయితే ఫ్యామిలీ మేన్ 2 లో నటనతో ప్రేక్షకులను ఆకట్టుకుంటాననే నమ్మకం ఉందని సమంత వెల్లడించారు. బాలీవుడ్ లో రణబీర్ కపూర్ ఇష్టమని ఛాన్స్ వస్తే రణబీర్ కపూర్ తో తప్పకుండా నటిస్తానని ఆమె తెలిపారు. మరోవైపు సమంత ప్రస్తుతం పాన్ ఇండియా మూవీగా తెరకెక్కుతున్న శాకుంతలం సినిమాలో నటిస్తున్నారు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home