పెళ్ళికి ముందు.. తర్వాత… అమ్మాయి అయినా.. అబ్బాయి అయినా.. తమ డైలీ లైఫ్ లో అనేక మార్పులు జరుగుతాయి. ఇక హీరోయిన్ అయితే.. సినిమాలను తగ్గించడం… గ్లామర్ షోలకు దూరంగా ఉండడం.. బయట పార్టీలకు వెళ్లక పోవడం … ఈ విధంగా హీరోయిన్స్ జీవితంలో చాలా మార్పులు వస్తాయి. కానీ సమంతకు ఈ విషయాల్లో మార్పు రాలేదు. అవసరం అంతకన్నా లేదు. తన వ్యక్తిగత స్వేచ్చ కు నాగచైతన్య ఎటువంటి గీతలు గీయలేదని.. అందుకే వాటిలో ఏ మాత్రం తేడా రాలేదని వెల్లడించింది. అయితే ఒక విషయంలో మాత్రం పూర్తిగా మారిపోయినట్లు ఈరోజు వెల్లడించింది. తనకు చాదస్తం మరి ఎక్కువైపోయిందని తన మీదే తాను సెటైర్ వేసుకొని నవ్వుకుంది.
“పెళ్ళికి ముందు సినిమా కథ వింటున్నప్పుడు అందులో అది బాలేదు.. ఇది బాలేదు అని చిన్న విషయాలకు వంకలు పెట్టేదాన్ని.. ఆ అలవాటు ఇప్పుడు మరి ఎక్కువైపోయింది. ప్రతి కథలోనూ ఎక్కువగా లోపాలు కనిపిస్తున్నాయి. అందుకే చాలా కథలకు నో చెబుతున్నా” అని సమంత వివరించింది. ఇకనుంచి ఎంత పెద్ద స్టార్ సినిమా అయినా సరే కథలో తన పాత్రకు ప్రత్యేక స్థానం ఉంటేనే ఒకే చెప్పాలనుకుంటున్నటు స్పష్టం చేసింది. లేడి ఓరియెంటెడ్ సినిమాలు చేయాలనీ ఉందని మనసులోని మాటను బయటపెట్టింది. అందుకే కన్నడ మిస్టరీ సినిమా “యుటర్న్‌” రీమేక్ లో నటించడానికి సిద్ధమైంది. ప్రస్తుతం ఆమె తెలుగులో చేస్తున్న రంగస్థలం, మహానటి సినిమాల షూటింగ్ తుది దశకు చేరుకుంది. ఈ సినిమాలు సమంత కు మంచి పేరు తెచ్చి పెట్టనున్నాయి.
