కొత్త సినిమాలో తన లుక్ ని రివీల్ చేసిన సమంత

మొన్నటివరకు రియల్ లైఫ్ లోని మధురమైన క్షణాలను ఫొటోల్లో బంధించి.. అభిమానులకు అందించి ఆనందింపజేసిన సమంత.. నేడు రీల్ లైఫ్ లోని ఫొటోతో భయపెడుతోంది. ఈ క్యూట్ బ్యూటీ నాగ చైతన్యతో ప్రేమలో పడిన తర్వాత.. డిఫరెంట్ కథలను ఎంచుకుంటోంది. జనతా గ్యారేజ్ తర్వాత ఆమె సైన్ చేసిన తమిళ సినిమా వేగంగా షూటింగ్ జరుపుకుంటోంది.  త్యాగరాజన్ కుమారరాజా దర్శకత్వంలో రూపొందుతున్న ఈ మూవీలో విజయ్ సేతుపతి హీరోగా నటిస్తున్నారు. సైకాలిజికల్ థ్రిల్లర్ గా తెరకెక్కుతున్న ఇందులో సమంత ఇప్పటివరకు పోషించని పాత్రలో కనిపించనుంది.

ఆ విషయం నేడు ఆమె రిలీజ్ చేసిన పోస్టర్ స్పష్టం చేసింది. హీరోలతో చేయి చేయి పట్టుకొని డ్యూయట్లు పాడే ఈ అమ్మడు మాసం నరికే కత్తితో నిద్రపోతున్న ఓ వ్యక్తి పీక నరికే పోస్టర్ అందరినీ ఉలిక్కిపడేలా చేస్తోంది. ఈ ఫోటో ప్రస్తుతం సోషల్ మీడియాలో ట్రెండ్ సృష్టిస్తోంది. ‘అనీతి కథైగళ్’ అనే వర్కింగ్ టైటిల్ తో చిత్రీకరణ జరుపుకుంటున్న ఈ మూవీ అధికారిక ఫస్ట్ లుక్ మరెంత ఇంట్రస్టింగ్ గా ఉంటుందోనని అందరూ ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.