కెరీర్ గురించి ఆసక్తికర విషయం చెప్పిన సమంత.!

ఏ మాయ చేసావే.. ఈగ.. మనం.. దూకుడు.. రంగస్థలం.. ఇలా సమంత నటించిన సినిమాలు బ్లాక్ బస్టర్ హిట్ కొట్టాయి. ఒక నాటికీ అతి తక్కువకాలంలో అన్ని మంచి కథలే దొరకడం అనేది అరుదైన విషయం. ఒక పక్క అదృష్టంతో పాటు.. కథల ఎంపికలో జాగ్రత్తగా ఉండాలి. అలా తన సినీ లైఫ్ ని చక్కగా డిజైన్ చేసుకుంది సమంత. నాగచైతన్యను పెళ్లి చేసుకున్న తర్వాత కూడా ఇటు భార్యగా బాధ్యతలు నెరవేరుస్తూనే.. నటిగా కొనసాగుతోంది. ఆమె నటించిన  ‘మహానటి’, ‘అభిమన్యుడు’ వచ్చే నెల రెండు రోజుల గ్యాప్ లో రిలీజ్ కానున్నాయి. ఈ సందర్భంగా మీడియా ముందుకు వచ్చిన ఆమె అనేక ఆసక్తికర విషయాలు చెప్పింది. ‘‘సినిమా లైఫ్ లో ఎప్పుడేం జరుగుతుందో అంటూ నిత్యం అభద్రతాభావంతో భయపడుతూ గడిపేదాన్ని. ఎప్పుడైతే ఇది కూడా ఓ ఉద్యోగమే అనుకొన్నానో అప్పట్నుంచి నా జీవితమే మారింది.

ఆ మార్పు నాకు చాలా రకాలుగా మేలు చేసింది” అని వెల్లడించింది. ఇంకా ఆమె మాట్లాడుతూ..  ‘‘మంచి కథలు లభించకపోతే సినిమాలు మానేద్దామనుకొన్నా. కానీ అదృష్టవశాత్తూ ఆ పరిస్థితి రాలేదు. మంచి కథలు నన్ను వెతుక్కుంటూ వచ్చాయి. కొత్త పాత్రలు ఉత్సాహాన్నిచ్చాయి” అని పేర్కొంది. ఇక ఒక సరి పేరు వచ్చిన తర్వాత.. అంచనాలు పెరిగి పోతాయి.. దానితో పాటే ఒత్తిడి పెరుగుతుంది.. మరి ఆ పరిస్థితి ఎదుర్కోలేదా? అని అడగగా.. అందుకు ఆమె ఇలా సమాధానం ఇచ్చారు. “ఎదుర్కొన్నాను. ఒకప్పుడు విజయాల్ని కూడా మనస్ఫూర్తిగా ఆస్వాదించలేని పరిస్థితి. ఒత్తిడితో సతమతమయ్యేదాన్ని. ఇప్పుడు ఆ ఒత్తిడి ప్రభావం లేకుండా పనిచేసే స్థాయికి చేరుకున్నా. చేస్తున్న సినిమాలు, వాటికి లభిస్తున్న ఆదరణ నాలో ధైర్యాన్ని పెంచాయి’’ అని సమంత చెప్పారు. ప్రస్తుతం ఆమె రెండు తమిళ సినిమాలతో పాటు యూటర్న్ మూవీ కూడా చేస్తోంది.