టాలీవుడ్ తాజా ప్రేమ పక్షులు యువ సామ్రాట్ నాగ చైతన్య, సమంత. వీరిద్దరూ ఒక్కరోజు కూడా చూసుకోకుండా ఉండలేకపోతున్నారు. సినిమా షూటింగ్ ల్లో బిజీగా ఉన్నా సాయంత్రానికి ఒక్క చోటుకు చేరుకుని కబుర్లు చెప్పుకుంటున్నారు. గత కొన్ని రోజులుగా నాగ చైతన్య, సమంత పబ్లిక్ ప్లేసుల్లో కలుసుకున్న ఫోటోలు, వీడియోలు సోషల్ మీడియాలో హల్ చల్ చేశాయి. దీంతో స్పందించిన కింగ్ నాగార్జున తన కొడుకు నాగ చైతన్యకి, అతను ప్రేమించిన అమ్మాయితో త్వరలోనే పెళ్లి చేయనున్నట్లు ప్రకటించారు. చైతూ కి తన కుటుంబసభ్యుల నుంచి గ్రీన్ సిగ్నల్ రావడంతో ఆనందం పట్టలేక పోతున్నారు.
సమంత వైపు నుంచి కూడా అడ్డు ఎవరూ చెప్పక పోవడం తో ఆమె ప్రియుడి తో కలిసి ఎంజాయ్ చేస్తున్నారు. అందుకు సాక్షమే ఈ ఫోటో. బంజారా హిల్స్ లోని జీవీకే వన్ షాపింగ్ సెంటర్ లో హార్డ్ రాక్ కేఫ్ వద్ద ఉన్న ఫోటోలో చైతూ స్పష్టంగా కనిపిస్తున్నారు. అతనితో మాట్లాడేది సమంతతో నేనని నెటిజనులు కన్ఫార్మ్ చేసేసారు. ఇంకేముంది ఈ ఫోటో సోషల్ మీడియాలో రాకెట్ కంటే ఎక్కువగా దూసుకుపోతోంది. ప్రస్తుతం ప్రేమమ్ షూటింగ్లో నాగ్ చైతన్య, జనతా గ్యారేజ్ చిత్రీకరణలో సమంత బిజీగా ఉన్నారు. ఈ సినిమాలు పూర్తికాగానే ఈ జంట పెళ్లి పీటలు ఎక్కనున్నట్లు ఫిల్మ్ నగర్ వర్గాల వారు చెప్పుకుంటున్నారు.
