సినిమా భాషనీ అత్యంత వేగంగా ఒంటికి పట్టించుకున్న హీరోయిన్స్ లో సమంత ఒకరు. ఆమె నటించే సినిమాకి తనవంతు బాధ్యతగా కొంత ప్రచారం చేస్తుంటుంది. సినిమా రిలీజ్ కి ముందు ట్విట్టర్ వేదికపై అభిమానులతో ముచ్చటించడం.. సినిమాలోని తన లుక్ చిత్రాలను రిలీజ్ చేయడం ఆ కోవలోకే వస్తుంది. ప్రస్తుతం సమంత నటిస్తున్న చిత్రాల్లో రంగస్థలం 1985 పై భారీ క్రేజ్ నెలకొని ఉంది. రామ్ చరణ్ తేజ్, సుకుమార్ కాంబినేషన్లో వస్తున్న తొలి సినిమా కావడంతో అందరి కన్ను దీనిపై పడింది. ఇందులో రామ్ చరణ్ తర్వాత ఆసక్తి కలిగిస్తున్నది సమంత పాత్ర. కథానుగుణంగా గ్రామీణ అమ్మాయిగా కనిపించడమే కాదు పాతికేళ్ల క్రితం ఎటువంటి దుస్తులు వేసుకునేవారో.. అటువంటి దుస్తుల్లో మెరవనుంది.
అప్పటి అమ్మాయిల సహజమైన అందం, అమాయకత్వాన్ని సమంత వెండితెరపైన చూపించనుంది. ఆ లుక్ కోసం అభిమానులు ఎదురుచూస్తుంటే సమంత పేస్ కనిపించదా తన పోస్టర్స్ ని సోషల్ మీడియాలో పోస్ట్ చేస్తోంది. వాటిని చూసిన కుర్రకారు కాస్త టర్నింగ్ ఇచ్చుకో అంటూ .. కామెంట్స్ పెడుతున్నారు. ఆ కామెంట్స్ బట్టే తెలుస్కోవచ్చు రంగస్థలంలో సమంత లుక్ కోసం ఎంతగా ఎదురు చుస్తున్నారోనని. ఓ స్టూడియోలో వేసిన గ్రామీణ సెట్ లో షూటింగ్ జరుపుకుంటున్న ఈ సినిమా వచ్చే ఏడాది రిలీజ్ కానుంది.
