హీరో, హీరోయిన్స్ లది ఒకే వృత్తి

అబ్బాయి ఆస్తిపరుడు.. అమ్మాయి కూలి పనికి వెళ్తుంది.. వారిద్దరి మధ్య ప్రేమ చిగురిస్తుంది. వారి ప్రేమకి పెద్దలు ఒప్పుకోరు. ఎన్నోగొడవలు తర్వాత ఇద్దరూ ఒకటవుతారు.. ఇలాంటి ప్రేమ కథలతో వచ్చిన సినిమాలకు టాలీవుడ్ లో కొదవలేదు. అయితే సినిమా రంగంలో అనేక విధాలుగా మార్పులు వచ్చినట్లే కథల్లోనూ మార్పు వచ్చింది. ఒకే పని చేసుకునే వారి మధ్య ప్రేమ చిగురిస్తే ఎలా ఉంటుందో డైరక్టర్లు వెండితెరపై చూపిస్తున్నారు. అటువంటి ప్రేమ కథలపై ఫోకస్..

అర్జున్ రెడ్డిటాలీవుడ్ లేటెస్ట్ పాత్ బ్రేకింగ్ మూవీ అర్జున్ రెడ్డి లో హీరో, హీరోయిన్లు ఇద్దరూ డాక్టర్లే. ఎంబీబీఎస్ చదివే సమయంలో వీరిమధ్య పుట్టిన ప్రేమ అనేక మలుపులు తిరుగుతూ పెళ్లితో ముగుస్తుంది.

100 % లవ్ నాగచైతన్య, తమన్నా బావ, మరదలిగా నటించిన ఈ మూవీలో ఇద్దరూ సాఫ్ట్ వేర్ ఇంజినీర్లే. సుకుమార్ ఈ కథని చాలా ఇంట్రెస్టింగ్ గా చూపించారు.

ఆహా కళ్యాణం యశ్‌రాజ్‌ ఫిలింస్ పతాకంపై ఆదిత్య చోప్రా నిర్మించిన సినిమా ఆహా కళ్యాణం. గోకుల్ కృష్ణ దర్శకత్వం వహించిన ఈ సినిమాలో నాని, వాణీ కపూర్ హీరో హీరోయిన్లుగా నటించారు. వీరిద్దరూ మొదట్లో వేరే వృత్తుల్లో ఉంటారు. తర్వాత వెడ్డింగ్ ప్లానెర్స్ గా మారుతారు.

కొత్తజంట అల్లు శిరీష్, రెజీనాలు కొత్త జంట సినిమాలో క్రియేటివ్ హెడ్స్ గా పనిచేస్తుంటారు. ఇద్దరూ సెల్ఫిష్ మనస్తత్వం కలిగిన వారే. అయినప్పటికీ ప్రేమ కలిపింది.

ఆవిడ మా ఆవిడే నాగార్జున అభిమానులకు ఎంతగానో నచ్చే ఆవిడా మా ఆవిడే సినిమాలో నాగార్జున, టబులు పోలీసులే.

రాధా గోపాలం బాపు దర్శకత్వంలో వచ్చిన ఈ మూవీ లో శ్రీకాంత్, స్నేహ ఇద్దరూ లాయర్స్. వీళిద్దరి మధ్య గొడవలు చాలా ఫన్నీ గా ఉంటాయి.

కెమరామెన్ గంగ తో రాంబాబు ఈ సినిమాలో కెమెరా మాన్ గంగ, రాంబాబు ఇద్దరూ మీడియా లో పనిచేస్తుంటారు. పూరి జగన్నాథ్ ఈ సినిమాని విభిన్నంగా తెరకెక్కించారు.

నక్షత్రం నక్షత్రంలో సాయి ధరమ్ తేజ్, ప్రగ్యా జైస్వాల్ పవర్ ఫుల్ పోలీస్ ఆఫీసర్స్ గా నటించారు. వారిద్దరి మధ్య పుట్టే ప్రేమ అందరినీ ఆకట్టుకుంది.

చక్రం కృష్ణవంశీ దర్శకత్వంలో వచ్చిన చక్రం సినిమాలో ప్రభాస్, ఆసిన్ డాక్టర్లు. ఇద్దరూ కలిసి చదువుకుంటారు. వైద్యులుగా కలిసి పనిచేస్తారు.

కార్తికేయ ఈ సినిమాలో నిఖిల్, స్వాతిల మధ్య ప్రేమ పుడుతుంది. ఇద్దరూ వైద్య వృత్తిలో ఉంటారు. అయితే ఇంకా కాలేజీ స్థాయిలోనే ఉంటారు.

దొంగల బండి అల్లరి నరేష్, తాన్యా నటించిన దొంగల బండి లో ఇద్దరూ దొంగలుగా కనిపిస్తారు. సతీష్ వేగేశ్న ఈ చిత్రాన్ని చాలా కామెడీగా మలిచారు.

ఇలా హీరో, హీరోయిన్స్ ఒకే ప్రొఫెషన్ లో ఉన్న సినిమాలు మీకు గుర్తుంటే కామెంట్ చేయండి.