Sanjay Dutt, Vijay: విజయ్ కోసం సంజయ్ దత్.. రెమ్యునరేషన్ ఎంతంటే..?

September 14, 2022 / 01:52 PM ISTByFilmy Focus

Join Us

Sanjay Dutt, Vijay: విజయ్ కోసం సంజయ్ దత్.. రెమ్యునరేషన్ ఎంతంటే..?

టాలీవుడ్ లో చాలా మంది హీరోలకు బాలీవుడ్ లో మార్కెట్ ఏర్పడింది. తెలుగు సినిమాలను కూడా ఇప్పుడు హిందీలో రిలీజ్ చేస్తున్నారు. యంగ్ హీరోలు సైతం నార్త్ మార్కెట్ పై దృష్టి పెట్టారు. ఇప్పుడు తమిళ హీరో విజయ్ కి కూడా హిందీ మార్కెట్ పై గాలి మళ్లింది. తమిళ స్టార్ హీరోలు రజినీకాంత్, కమల్ హాసన్ లకు హిందీ మంచి మార్కెట్ ఉంది. ఈ తరం హీరోల్లో ధనుష్ కి బాలీవుడ్ లో క్రేజ్ ఉంది.

విజయ్ హిందీ డబ్బింగ్ సినిమాలకు యూట్యూబ్ లో మంచి వ్యూస్ వచ్చాయి. కానీ డైరెక్ట్ ప్రయత్నాలు మాత్రం వర్కవుట్ కాలేదు. ఇలాంటి క్రమంలో లోకేష్ కనగరాజ్ దర్శకత్వంలో విజయ్ హీరోగా రూపొందుతోన్న సినిమాను హిందీలో రిలీజ్ చేసి మార్కెట్ చేసుకోవాలనుకుంటున్నారా. ఇందులో భాగంగా బాలీవుడ్ నటుడు సంజయ్ దత్ ను సినిమాలో ఎంపిక చేసుకున్నట్లు తెలుస్తోంది. విలన్ రోల్ లో సంజయ్ దత్ కనిపించబోతున్నారు. దీనికోసం ఆయనకు రూ.10 కోట్ల రెమ్యునరేషన్ ఇవ్వడానికి రెడీ అవుతున్నారు నిర్మాతలు.

ఇంత రెమ్యునరేష్ ఆఫర్ చేయడంతో సంజయ్ దత్ కూడా ఓకే చెప్పారట. పారితోషికం కోసమే ఆయన ఈ సినిమా ఒప్పుకున్నట్లు టాక్. సంజయ్ దత్ తో పాటు సినిమాలో మరో పవర్ ఫుల్ విలన్ రోల్ ఉందట. దానికి మలయాళ నటుడు పృథ్వీరాజ్ సుకుమారన్ ను తీసుకోవాలనుకుంటున్నారు. మరి ఆయన ఒప్పుకుంటారో లేదో చూడాలి. లోకేష్ సినిమాల్లో విలన్ రోల్స్.. హీరోలకు మించి ఉంటాయి. ‘విక్రమ్’ సినిమాలో ఆయన నటీనటులను డీల్ చేసిన విధానం చూస్తే అర్ధమవుతుంది. మరిప్పుడు విజయ్ సినిమాలో ఇద్దరు విలన్స్ ను ఎలా చూపిస్తారో చూడాలి!