బాలీవుడ్‌లో డేరింగ్‌కి కేరాఫ్‌ అడ్రెస్‌ సంజయ్‌ దత్‌. నటన విషయంలోకానీ, యాక్షన్‌ విషయంలో కానీ, సినిమాల ఎంపికలో సమయంలో కానీ డేరింగ్‌తో డెసిషన్స్‌ తీసుకుంటాడు. జీవితంలో వ్యక్తిగతంగా ఎన్ని సమస్యలున్నా సినిమాల విషయంలో ఎప్పుడూ ఆ ప్రభావం చూపించలేదు. ఇప్పుడు తన ఆరోగ్య పరిస్థితుల్ని కూడా పట్టించుకోవద్దు అంటున్నాడు. గతంలో ఉన్న సంజయ్‌ దత్‌ని దృష్టిలో పెట్టుకునే ఇప్పుడు సన్నివేశాలు రాసుకోండి అని సూచిస్తున్నాడు. ఇంతకీ ఏమైందంటే… ‘కేజీఎఫ్‌ 2’ సినిమాలో సంజయ్‌ దత్‌ అధీర అనే మెయిన్‌ విలన్‌ పాత్రలో నటిస్తున్న విషయం తెలిసిందే.
గతంలోనే సంజూ బాబా మీద కొన్ని సన్నివేశాలు చిత్రీకరించారు. ఈలోగా అతనికి క్యాన్సర్‌ రావడంతో వైద్యం కోసం విదేశాలకు వెళ్లిపోయారు. కోలుకొని ఇటీవల తిరిగి వచ్చారు. ఇప్పుడు షూటింగ్‌లో పాల్గొంటున్నారు కూడా. అయితే అతని ఆరోగ్యాన్ని దృష్టిలో పెట్టుకుని చిత్రబృందం స్టంట్స్‌ విషయంలో మార్పులు చేసిందట. ఆ విషయంలో సంజూ బాబా అసంతృప్తి వ్యక్తం చేశాడని సమాచారం. ‘‘సినిమా కోసం గతంలో రూపొందించుకున్న యాక్షన్‌ సన్నివేశాలను నేను చేయలేనని అనునకొని నన్ను అవమానించకండి. ఇంతకుముందు అనుకున్నట్లే ఫైట్స్‌ను పూర్తి చేద్దాం.
నా కోసం స్టంట్స్‌లో ఎలాంటి మార్పలూ చేయకండి. పని విషయంలో నేను ఎప్పుడూ రాజీపడను. ఇప్పుడు కూడా రాజీపడేది లేదు’’ అని చిత్రబృందంతో చెప్పాడట సంజయ్‌ దత్‌. ప్రశాంత్‌ నీల్‌ – యశ్‌ కాంబోలో వస్తున్న ఈ సినిమా టీజర్‌ను జనవరి 8న విడుదల చేయనున్న విషయం తెలిసిందే.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
