ఓ ప్రక్క కరోనా మరో పక్క క్యాన్సర్…అయినా షూటింగ్ కి

September 9, 2020 / 01:24 PM ISTByFilmy Focus

Join Us

ఓ ప్రక్క కరోనా మరో పక్క క్యాన్సర్…అయినా షూటింగ్ కి

బాలీవుడ్ సీనియర్ హీరో సంజయ్ దత్ ని అందరూ ఫైటర్ అంటారు. జీవితంలో సంజయ్ దత్ ఎదుర్కొన్న ఇబ్బందులు మరో వ్యక్తి చూసి ఉండరు. వ్యక్తిగత జీవితం కానీ, కెరీర్ పరంగా కానీ ఆయన కఠిన సవాళ్ళను ఎదిరించి నిలబడ్డారు. తాజాగా ఆయనకు తీవ్రమైన ఆరోగ్య సమస్య వచ్చినట్లు వార్తలు రావడం జరిగింది. సంజయ్ దత్ ప్రస్తుతం క్యాన్సర్ తో బాధపడుతుండగా అది స్టేజ్ 3లో ఉన్నట్లు సమాచారం అందింది. దీని చికిత్స కోసం సంజయ్ దత్ అమెరికా కూడా వెళ్లడం జరిగింది.

ఐతే తనకు క్యాన్సర్ అన్న విషయాన్ని సంజయ్ ధ్రువీకరించలేదు. కొన్నిరోజులు అమెరికాలో ఉన్న సంజయ్ ఇటీవల తిరిగిరావడం జరిగింది. ఒక ప్రక్క తీవ్ర అనారోగ్యంతో బాధపడుతున్న సంజయ్ దత్ షూటింగ్స్ లో పాల్గొననున్నారట. ఆయన ప్రస్తుతం నటిస్తున్న కొన్ని చిత్రాలు షూటింగ్ పూర్తి చేస్తారట. ప్రతిష్టాత్మక కెజిఎఫ్ 2 మూవీలో సంజయ్ దత్ ప్రధాన విలన్ అధీరా పాత్ర చేస్తున్నారు. గత నెలలో కెజిఎఫ్ 2 షూటింగ్ మొదలుకావడం జరిగింది.

Sanjay Dutt working hard for KGF movie1

దీనితో కెజిఫ్ 2 సెట్స్ లో సంజయ్ జాయిన్ అవుతారట. దేశంలో కరోనా వైరస్ వ్యాప్తి అధికంగా ఉంది. దీర్ఘకాలిక వ్యాధితో బాధపడుతున్న సంజయ్ దత్ లాంటి వారికి ఆ వైరస్ సోకితే చాల ప్రమాదం. అయినా తన ప్రాణాలు ఫణంగా పెట్టి సంజయ్ ఒప్పుకున్న చిత్రాలు పూర్తి చేయనున్నారు.