ఈ ఏడాది సంక్రాంతికి పెద్ద సినిమాలేవీ రాలేదు. విడుదలైన సినిమాలు కూడా పెద్దగా ఆడలేదు. కానీ 2023 ఇలా కాదు. పెద్ద సినిమాలతో రచ్చ చేయబోతున్నారు మన స్టార్స్. బాక్సాఫీస్ ను షేక్ చేయడానికి రెడీ అవుతున్నాయి కొన్ని సినిమాలు. ఇప్పటినుంచే సంక్రాంతికి కర్చీఫ్ లు వేస్తున్నారు దర్శకనిర్మాతలు. ఇప్పటివరకు 2023 సంక్రాంతికి ఆరు సినిమాలు రేసులో ఉన్నట్లు సమాచారం. దిల్ రాజు ప్రతి ఏడాది సంక్రాంతికి తన సినిమాలు ఉండేలా చూసుకుంటారు.
ఈసారి రామ్ చరణ్-శంకర్ కాంబినేషన్ లో తెరకెక్కుతోన్న సినిమాను సంక్రాంతికి విడుదల చేయాలనేది దిల్ రాజు ఆలోచన. మరి అప్పటికి సినిమా ఫస్ట్ కాపీ రెడీగా ఉంటుందో లేదో చూడాలి. ఈ సినిమాతో పాటు విజయ్-వంశీ పైడిపల్లి కాంబినేషన్ లో మరో సినిమాను నిర్మిస్తున్నారు దిల్ రాజు. ఈ సినిమాను కూడా ప్రస్తుతానికి సంక్రాంతి టార్గెట్ గా పని చేయమని ఆదేశాలు జారీ చేశారు. కానీ అప్పటికి సినిమా రావడం డౌటే అని అంటున్నారు.
పైగా ఒకేసారి రెండు పెద్ద సినిమాలు రిలీజ్ చేసి థియేటర్లు పంచుకోవడం దిల్ రాజుకి కూడా నచ్చదు. కాబట్టి ఈ రెండు సినిమాల్లో ఒకదాన్ని రిలీజ్ చేసే ఛాన్స్ ఉంది. మహేష్ బాబు-త్రివిక్రమ్ కాంబోలో సినిమా వస్తోన్న సంగతి తెలిసిందే. దీన్ని సంక్రాంతికి తీసుకురావాలనుకుంటున్నారు.
వీటితో పాటు పవన్ కళ్యాణ్ ‘హరిహర వీరమల్లు’, చిరంజీవి ‘భోళా శంకర్’, ప్రభాస్ ‘ఆదిపురుష్’ ఇవన్నీ సంక్రాంతి టార్గెట్ ని దృష్టిలో పెట్టుకొని రూపొందుతున్న సినిమాలే. వీటితో పాటు ‘పుష్ప2’ కూడా వస్తుందని టాక్. ఈ ఆరు చిత్రాల్లో రెండు, మూడు సినిమాలు డ్రాప్ అయినా.. పండక్కి కనీసం మూడు సినిమాలు రావడం మాత్రం పక్కా.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
