కమెడియన్గా చేస్తూ హీరోలవ్వడం తెలుగు సినిమాలో కొత్త విషయం కాదు. ఆ మాటకొస్తే ఏ ఇండస్ట్రీలో అయినా అంతే. అలా హీరో అయినవారిలో సప్తగిరి ఒకడు. తనదైన టైమింగ్తో కమెడియన్గా ఆకట్టుకుంటూ వచ్చిన సప్తగిరి ‘సప్తగిరి ఎక్స్ప్రెస్’తో హీరోగా మారాడు. ఆ తర్వాత అడపాదడపా హీరోగా చేస్తూ వస్తున్నాడు. సరైన విజయాలు లేకపోయినా ఇప్పుడు ఓ క్రేజీ ప్రాజెక్టు సెట్ చేసుకున్నాడు. అందులో ఒక్క భాషలో కాదు. ఏకంగా నాలుగు భాషల్లో.
అవును సప్తగిరి హీరోగా నటించబోయే కొత్త సినిమా నాలుగు భాషల్లో రూపొందనుందట. ‘సప్తగిరి ఎక్స్ప్రెస్’ తర్వాత ‘సప్తగిరి ఎల్ఎల్బి’తో ఫర్వాలేదనిపించాడు. ‘వజ్ర కవచధర గోవింద’తో మళ్లీ నిరాశపరిచాడు. ఆ తర్వాత నటించిన ‘తాగితే తంధాన’ త్వరలో ఓ ఓటీటీలో రాబోతోంది. మరోవైపు సప్తగిరి ‘ఎయిట్’ పేరుతో ఓ సినిమాకు ఓకే చెప్పాడట. ఇల్యూషన్ థ్రిల్లర్గా రూపొందనున్న ఈ సినిమాను తెలుగు, తమిళం, కన్నడ, హిందీ భాషల్లో తీసుకొస్తారట. యూనివర్శ్ పాయింట్ కావడంతో నాలుగు భాషల్లో రూపొందిస్తున్నారని చిత్రబృందం చెబుతోంది.
ఇక్కడివరకు అంతా బాగుంది. పెద్ద హీరోలకే ఇతర భాషల్లో సినిమలు వర్కౌట్ కాని ఈ టైమ్లో సప్తగిరి లాంటి హీరో టర్న్డ్ కమెడియన్కి అన్ని భాషలు అవసరమా. నాలుగు భాషలు అంటున్నారు అంటే బడ్జెట్ కూడా గట్టిగానే పెట్టేలా ఉన్నారు. మరి అంత డబ్బులు వర్కౌట్ అవుతాయా? ఇవన్నీ ప్రశ్నలే. అయితే మనం మాత్రం ఆల్ ది బెస్ట్ అనే చెబుదాం. ఏమంటారు?
Most Recommended Video
