బాలీవుడ్‌ భామల్ని… మీకు ఏ తెలుగు హీరోతో నటించాలని ఉంది అని అడిగితే… ఠక్కున చెప్పే పేర్లలో మన రౌడీ విజయ్‌ దేవరకొండ ఒకడు. మీకు నచ్చిన సౌత్‌ హీరో పేరు చెప్పమన్నా… ఇలానే చెబుతారు. అలా సారా అలీ ఖాన్‌ను కూడా ఇదే ప్రశ్న వేశారు. దానికి ఆమె కూడా అదే సమాధానం చెప్పింది. ఇద్దరి మధ్య గతంలోనే చిన్నపాటి స్నేహం ఉంది. ఇప్పుడు మరోసారి ఆ స్నేహం బయట పడింది.
సారా అలీ ఖాన్‌ ప్రస్తుతం ‘అతరంగీ రే’ సినిమా ప్రచారంలో బిజీగా ఉంది. అక్షయ్‌ కుమార్‌, ధనుష్‌ ఇతర ప్రముఖ పాత్రల్లో నటిస్తున్న సినిమా ఇది. ఈ సినిమా ప్రమోషన్స్‌లోనే విజయ్‌ దేవరకొండ పేరు బయటకు వచ్చింది. ధనుష్‌తో నటించడం గురించి చెప్పండి అని సారా అలీ ఖాన్‌ను అడిగితే… ధనుష్‌ మంచి వ్యక్తి, గొప్ప నటుడు అని చెప్పుకొచ్చింది. ఆయనతో కలసి నటించడం మంచి అవకాశంగా భావిస్తున్నా అని కూడా చెప్పింది.
ఆ తర్వాత అసలు ప్రశ్న వచ్చింది అక్కడ. ధనుష్‌ తర్వాత ఏ సౌత్‌ హీరోతో స్క్రీన్‌ పంచుకోవాలని అనుకుంటున్నారు? అని అడిగితే… ఇంకెవరు విజయ్‌ దేవరకొండ అని చెప్పింది సారా. ఆ విషయంలో ఎలాంటి ఆలోచనే లేదు. విజయ్‌తో నటించే అవకాశం వస్తే తప్పకుండా ఓకే చేసేస్తా అని చెప్పుకొచ్చింది. గతంలోనూ జాహ్నవి కపూర్‌ కూడా ఇలాంటి మాటలే చెప్పింది. ఇంకా ఏ సినిమా ముందుకు రాలేదు. చూద్దాం సారా మాట నిజమవుతుందేమో.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
Home
