నెలరోజుల నుంచి కనిపించని కుర్రాడు అలా దొరికేసాడు

సినిమా సెలబ్రిటీలు రోడ్ల మీద కనిపిస్తే చాలు ముందు వాళ్ళకి చేతులెత్తి హాయ్ చెప్పడం కంటే ఫోన్లు పైకెత్తి సెల్ఫీలు అడగడం, వీడియోలు షూట్ చేయడం లాంటివి చేస్తున్నారు. అలాంటి వీడియోలు, సెల్ఫీలు సెలబ్రిటీలను చాలా చిరాకుపెడుతుంటాయి. కానీ.. పబ్లిక్ ప్లేసస్ లో తప్పని గోల అది. అయితే.. అదే తరహా పబ్లిక్ వీడియో కారణంగా గత నెలరోజులుగా కనిపించకుండాపోయిన ఒక కుర్రాడు దొరికాడు.

విషయం ఏంటంటే.. మధ్యప్రదేశ్ కు చెందిన అజయ్ అనే కుర్రాడు టెన్త్ ఫెయిల్ అయ్యాడని ఇంట్లో తిట్టడంతో ఆగస్ట్ 17 నుంచి కనిపించడం లేదు. పాపం ఇంట్లో వాళ్ళందరూ తెగ కంగారు పడ్డారు. కట్ చేస్తే.. ఇటీవల ఎయిర్ పోర్ట్ దగ్గర సారా అలీఖాన్ తో సెల్ఫీ తీసుకోవడానికి ప్రయత్నిస్తుండగా.. అక్కడ తీసిన వీడియోలో అజయ్ ని గుర్తుపట్టారు వారి స్నేహితులు. ఇదే విషయాన్ని అతడి తల్లిదండ్రులకు తెలియజేయగా.. కనిపించకూమ్డాపోయిన కొడుకు ఎక్కడో ఒకచోట సురక్షితంగా ఉన్నందుకు సంతోషించారు వారు. ప్రస్తుతం ఆ కుర్రాడి కోసం ముంబైను జల్లెడ పడుతున్నారు పోలీసులు. మొత్తానికి సారా అలీఖాన్ పుణ్యమా అని ఒక తప్పిపోయిన కుర్రాడు దొరికాడన్నమాట.

1

2