Chiranjeevi: చిరు కూతురిగా ధురంధర్ బ్యూటీ?

మెగాస్టార్ చిరంజీవి(Chiranjeevi) ఈ సంక్రాంతికి ‘మన శంకర వరప్రసాద్ గారు’ సినిమా సక్సెస్  అందుకుని మంచి జోష్ లో ఉన్నారు. అలాగే రామ్ చరణ్ కి ట్విన్స్ పుట్టడంతో ఆయన పుత్రోత్సాహం రెట్టింపు అయ్యింది. ఈ నేపధ్యంలో తన తదుపరి సినిమా కోసం కూడా రెడీ అవుతున్నారు. అయితే మధ్యలో చిరు ‘విశ్వంభర’ అనే సోషియో ఫాంటసీ సినిమాని కూడా కంప్లీట్ చేయాల్సి ఉంది.

Chiranjeevi

అల్మోస్ట్ 90 శాతం షూటింగ్ కంప్లీట్ చేసుకున్న ఈ సినిమా సీజీ వర్క్ కరణంగా డిలే అవుతూ వస్తోంది. ఈ ఏడాది జూలైలో రిలీజ్ అయ్యే అవకాశం ఉందని చిరు చెప్పుకొచ్చారు.ఆ విషయాలు పక్కన పెట్టేస్తే.. మరోవైపు చిరంజీవి బాబీ, శ్రీకాంత్ ఓదెల వంటి టాప్ దర్శకులతో సినిమాలు చేసేందుకు కూడా గ్రీన్ సిగ్నల్ ఇచ్చారు.వీరిలో ముందుగా బాబీ దర్శకత్వంలో సినిమా సెట్స్ పైకి వెళ్ళే అవకాశాలు కనిపిస్తున్నాయి.

గతంలో వీరి కాంబినేషన్లో ‘వాల్తేరు వీరయ్య’ అనే సినిమా వచ్చి సూపర్ హిట్ అయ్యింది. కాబట్టి ఈ కాంబినేషన్లో రూపొందే రెండో సినిమా పై ట్రేడ్ వర్గాల వారి దృష్టి గట్టిగానే పడింది. చిరు ఈ సినిమా కోసం బల్క్ డేట్స్ ఇవ్వాలే కానీ.. 2027 సంక్రాంతికి సినిమాని రిలీజ్ చేసేందుకు బాబీ ప్రాపర్ ప్లానింగ్ తో రెడీగా ఉన్నాడు.ఈ విషయాలు పక్కన పెట్టేస్తే.. ఈ సినిమా కథ ప్రకారం కూతురి పాత్రకి ప్రాధాన్యత ఎక్కువగా ఉంటుందట.

ఆ పాత్ర కోసం ఇప్పటికే హీరోయిన్ కృతి శెట్టిని సంప్రదించినట్టు టాక్ నడుస్తుంది. అయితే కృతి శెట్టి బిజీగా ఉండటం వల్లో.. లేక లుక్ టెస్ట్ ఫెయిల్ అవ్వడం వల్లో కానీ..ఆమె ఈ ప్రాజెక్టులో భాగం అయ్యే అవకాశం లేదని టాక్ వినిపిస్తుంది. ఆమె ప్లేస్ లో ‘దురంధర్’ బ్యూటీ సారా అర్జున్ ఫైనల్ అయినట్టు టాక్ నడుస్తుంది. దీనిపై అధికారిక ప్రకటన రావాల్సి ఉంది.

బుల్లెట్ సునీల్…యమ స్టైలిష్