‘సర్దార్’ విడుదల తేదీ దగ్గర పడుతుండడంతో టికెట్లు సంపాదించే పనులో ఉన్నారు అభిమానులు. ఇప్పటికే మొదటి మూడు రోజుల షో టికెట్స్ బుక్కయిపోయాయి. దీన్ని బట్టి సర్దార్ ట్రెండ్ సృష్టించడం ఖాయమనే తెలుస్తుంది. అయితే ఈ సినిమా నిడివి దాదాపు 2 గంటల 42 నిమిషాలు. ఇప్పుడొస్తున్న సినిమాలన్నీ.. రెండు గంటల 15 నిమిషాలు లేదా 20 నిమిషాలు మాత్రమే ఉంటున్నాయి. ఇంతకుమించి ఉన్నా కూడా ప్రేక్షకులకు సినిమా చూడడానికి విసుగొస్తుంది. పవన్ కళ్యాణ్ మాత్రం సినిమా నిడివి తగ్గించేదేలేదని తేల్చి చెప్పేశాడట. దీంతో నిర్మాత శరత్ మరార్ పవన్ ను కలిసి ప‌రిస్థితి వివ‌రించి చెప్పాడ‌ట. సినిమాకు హిట్ టాక్ వచ్చిన తరువాత అదనపు సన్నివేశాలని యాడ్ చేద్దామని చెప్పి, మొదట పావుగంట సినిమాను ట్రిమ్ చేయమని చెప్పాడు. పావుగంట కాకపోయినా.. ఓ పది నిమిషాలు ట్రిమ్ చేసే అవకాశాలు కనిపిస్తున్నాయి.
