టాలీవుడ్ సూపర్ స్టార్ మహేష్ బాబు నటించిన ఒక్క సినిమా కూడా ఈ ఏడాది రిలీజ్ కాలేదనే విషయం తెలిసిందే. వచ్చే ఏడాది సర్కారు వారి పాట సినిమాతో పాటు త్రివిక్రమ్ సినిమాను కూడా రిలీజ్ చేయాలని మహేష్ బాబు భావిస్తున్నారు. సర్కారు వారి పాట ఫస్ట్ టీజర్ గత నెలలో విడుదలై రికార్డు స్థాయిలో వ్యూస్, లైక్స్ సాధించగా వచ్చే నెలలో ఈ సినిమా నుంచి ఫస్ట్ సాంగ్ రిలీజ్ కానుందని సమాచారం
ఆగడు తర్వాత మహేష్ థమన్ కాంబినేషన్ లో తెరకెక్కుతున్న సినిమా సర్కారు వారి పాట కావడం గమనార్హం. అక్టోబర్ 15వ తేదీన సర్కారు వారి పాట నుంచి ఫస్ట్ సింగిల్ రిలీజ్ కానుందని తెలుస్తోంది. అయితే ఈ మేరకు అధికారిక ప్రకటన రావాల్సి ఉంది. మరోవైపు రాధేశ్యామ్ ఫస్ట్ సింగిల్ కోసం ప్రభాస్ ఫ్యాన్స్ సైతం ఆసక్తిగా ఎదురు చూస్తున్నారు. సర్కారు వారి పాటలో మహేష్ కు జోడీగా కీర్తి సురేష్ నటిస్తున్నారు.
మైత్రీ మూవీ మేకర్స్ తో పాటు జీఎంబీ ఎంటర్టైన్మెంట్స్, 14 రీల్స్ ప్లస్ సంయుక్తంగా ఈ సినిమాను నిర్మిస్తున్నాయి. పరశురామ్ సర్కారు వారి పాటతో సక్సెస్ సాధించి స్టార్ డైరెక్టర్స్ జాబితాలో చేరాలని అనుకుంటున్నారు. థమన్ మహేష్ సినిమాలో ప్రతి పాట ప్రత్యేకంగా ఉండే విధంగా జాగ్రత్తలు తీసుకున్నారని తెలుస్తోంది. సర్కారు వారి పాట సాంగ్స్ తో టాలీవుడ్ లో కొత్త రికార్డులు క్రియేట్ అవుతాయేమో చూడాల్సి ఉంది.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
