మెగాస్టార్ చిరంజీవి కూడా నేటితరం టాలెంటెడ్ హీరోలతో స్క్రీన్ షేర్ చేసుకోవటానికి ఎంతగానో ఇంట్రెస్ట్ చూపిస్తున్నాడు. బిగ్ బాస్ ఫైనల్ రోజు సోహెల్ సినిమాలో నటిస్తానని చెప్పి ఒక గోల్డెన్ ఛాన్స్ ఇచ్చిన చిరు ఇప్పుడు మరొక టాలెంటెడ్ హీరోకు ఏకంగా తన సినిమాలోనే ఒక ముఖ్యమైన పాత్ర కోసం ఫిక్స్ చేసుకున్నాడు. మెగాస్టార్ చిరంజీవి మలయాళం హిట్ మూవీ లూసిఫర్ ను తెలుగులో రీమేక్ చేయబోతున్న విషయం తెలిసిందే.
అయితే ఆ సినిమాకు సంబందించిన మరొక ఇంట్రెస్టింగ్ న్యూస్ సోషల్ మీడియాలో వైరల్ గా మారింది. ఆ సినిమాలో టాలెంటెడ్ నటుడు సత్యదేవ్ కూడా నటించబోతున్నట్లు సమాచారం. మెగాస్టార్ చిరంజీవి స్వయంగా అతని ఒక పాత్ర కోసం ఫైనల్ చేసినట్లుగా టాక్. తమిళ్ డైరెక్టర్ మోహన్ రాజా ఆ సినిమాను డైరెక్ట్ చేయనున్న విషయం తెలిసిందే. ఇక మలయాళంలో పృథ్వీరాజ్ చేసిన పాత్రలో సత్యదేవ్ ను ఫైనల్ చేసినట్లుగా టాక్ వస్తోంది.
ఇదివరకే సత్యదేవ్ సినిమాలు మెగాస్టార్ చూశారు, ముఖ్యంగా బ్లఫ్ మాస్టర్ సినిమాను చూసి ఆ చిత్ర యూనిట్ ని అప్పట్లో ప్రత్యేకంగా అభినందించిన విషయం తెలిసిందే. ఇక ప్రస్తుతం ఆచార్య సినిమాతో బిజీగా ఉన్న మెగాస్టార్ ఆ సినిమాని వీలైనంత త్వరగా పూర్తి చేసి వెంటనే లూసిఫర్ ప్రాజెక్టును సెట్స్ పైకి తీసుకురావాలని అనుకుంటున్నారు. మరి ఈ మలయాళం రీమేక్ తెలుగులో ఏ స్థాయిలో విజయాన్ని అందుకుంటుందో చూడాలి.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home