Jr NTR, Satyadev: ఎన్టీఆర్ గొప్పదనం చెప్పిన సత్యదేవ్!

టాలెంట్ తో నటుడిగా గుర్తింపును సంపాదించుకున్న సత్యదేవ్ నటించిన తిమ్మరుసు సినిమా నేడు థియేటర్లలో రిలీజైన సంగతి తెలిసిందే. కరోనా సెకండ్ వేవ్ వల్ల తెలుగు రాష్ట్రాల్లో థియేటర్లు మూతబడగా ఏపీ, తెలంగాణలో సాధారణ పరిస్థితులు ఏర్పడటంతో థియేటర్లు తెరుచుకున్నాయి. తాజాగా ఒక ఇంటర్వ్యూలో మాట్లాడిన సత్యదేవ్ తిమ్మరుసు సినిమా గురించి చెప్పడంతో పాటు జూనియర్ ఎన్టీఆర్ గురించి ఆసక్తికర వ్యాఖ్యలు చేశారు. తిమ్మరుసు ట్రైలర్ కు 5 మిలియన్ల వ్యూస్ వచ్చాయని తారక్ అన్న రిలీజ్ చేయడం వల్లే ఆ స్థాయిలో వ్యూస్ రావడం సాధ్యమైందని సత్యదేవ్ చెప్పుకొచ్చారు.

తారక్ కే క్రెడిట్ దక్కుతుందని సినిమా జనాల్లోకి వెళ్లడానికి తారక్ అన్న కారణమని సత్యదేవ్ అన్నారు. ట్రైలర్ రిలీజ్ చేయాలని అడిగిన వెంటనే ఎన్టీఆర్ ఒప్పుకున్నారని సత్యదేవ్ పేర్కొన్నారు. తిమ్మరుసు సినిమా చూస్తానని కూడా తారక్ చెప్పారని సత్యదేవ్ చెప్పుకొచ్చారు. స్టార్ డమ్ ఉన్న తారక్ వల్ల తమ సినిమా గురించి అందరికీ తెలిసిందని సత్యదేవ్ పేర్కొన్నారు. కేవలం 39 రోజుల్లో సింగిల్ షెడ్యూల్ లో సత్యదేవ్ షూటింగ్ పూర్తైందని కొత్తతరం ప్రేక్షకులు కోరుకుంటున్న సినిమా తిమ్మరుసు అని సత్యదేవ్ వెల్లడించారు.

చాలామంది ఈ సినిమా కోర్టు రూమ్ డ్రామా అనుకుంటారని ఈ సినిమా యాక్షన్ డ్రామా అని సత్యదేవ్ పేర్కొన్నారు. యావజ్జీవ శిక్షను తప్పించడం కోసం లాయర్ చేసే పోరాటం తిమ్మరుసు అని సత్యదేవ్ అన్నారు. సినిమాలో ఎంటర్టైన్మెంట్ అంశాలకు కూడా చోటు ఉంటుందని సత్యదేవ్ తెలిపారు.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!