Satyadev: నటుడిగా 10 ఏళ్ళు పూర్తి చేసుకున్న సత్యదేవ్..!

మొన్న అంటే ఏప్రిల్ 22కి ‘మిస్ట‌ర్ ప‌ర్‌ఫెక్ట్‌’ చిత్రం విడుదలయ్యి 10 ఏళ్ళు పూర్తయ్యింది. ప్రభాస్ కెరీర్లో ఇదొక సూపర్ హిట్ మూవీ.ప్రభాస్ ను ఫ్యామిలీ ఆడియన్స్ కు మరింత చేరువయ్యేలా చేసిన చిత్రమిది. సక్సెస్ ఫుల్ ప్రొడ్యూసర్ దిల్ రాజు నిర్మించిన ఈ చిత్రానికి దశరథ్ దర్శకుడు. ఇదిలా ఉండగా.. ఈ చిత్రం ద్వారానే ట్యాలెంటెడ్ హీరో స‌త్య‌దేవ్ కూడా సినీ రంగ ప్రవేశం చేశాడన్న సంగతి బహుశా ఎవ్వరికీ తెలిసి ఉండదు. ఈ చిత్రంలో ప్ర‌భాస్ ఫ్రెండ్స్ గ్యాంగ్ లో ఒక‌డిగా కనిపిస్తాడు సత్యదేవ్. ఇతని పాత్రకు ఎక్కువ డైలాగులు కూడా ఉండవు. అందుకే సత్యదేవ్ ను ఎవ్వ‌రూ పట్టించుకోలేదు.

కానీ ఇప్పుడు ఇతనొక క్రేజీ హీరో. మంచి కంటెంట్ ఉన్న సినిమాలు చేస్తాడు, మంచి నటన కనపరుస్తాడు అనే నమ్మకాన్ని సంపాదించుకున్నాడు.ప్రస్తుతం ఇతను 6 సినిమాల్లో నటిస్తూ బిజీగా గడుపుతున్నాడు. ‘బ్రోచేవారెవరురా’, `ఉమామ‌హేశ్వ‌ర ఉగ్ర రూప‌శ్య‌` వంటి హిట్లు కూడా సత్యదేవ్ అకౌంట్లో ఉన్నాయి. జూనియర్ ఆర్టిస్ట్ గా తన కెరీర్ ను మొదలుపెట్టి… ఇప్పుడు ట్యాలెంటెడ్ యాక్టర్ అనే స్థాయికి ఎదిగాడు. తను సోలో హీరోగా సినిమాలు చేస్తూనే మరోపక్క మిగిలిన హీరోల సినిమాల్లో కూడా కీలక పాత్రలు పోషిస్తూ వస్తున్నాడు.

అంతేకాదు ‘సాహో’ లో నీల్ నితిన్ ముఖేష్ పాత్రకు అలాగే ‘ఆకాశం నీ హద్దురా’ సినిమాలో హీరో సూర్య పాత్రకు డబ్బింగ్ చెప్పింది కూడా సత్యదేవే.! ఇక తన పదేళ్ళ జర్నీలో భాగమైన ప్రతీ ఒక్కరికి థాంక్స్ చెబుతూ.. ఇటీవల ఓ ట్వీట్ వేసాడు సత్యదేవ్. ప్రస్తుతం ఇది వైరల్ అవుతుంది.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!