టాలీవుడ్ స్టార్ హీరో సత్యదేవ్ ఇటీవల నెట్ ఫ్లిక్స్ లో విడుదలైన ‘పిట్టకథలు’ వెబ్ సినిమాలో కనిపించారు. ప్రస్తుతం ఇతడి చేతిలో ‘గుర్తుందా శీతాకాలం’, ‘తిమ్మరసు’, ‘గాడ్సే’ వంటి సినిమాలు ఉన్నాయి. అన్నీ చిత్రీకరణ దశలోనే ఉన్నాయి. చాలా కాలంగా ఈ హీరో తన సినిమాలతో టాలీవుడ్ లో స్టార్ డమ్ తెచ్చుకోవాలని చూస్తున్నాడు. మంచి నటుడిగా గుర్తింపు తెచ్చుకున్నప్పటికీ.. స్టార్ స్టేటస్ మాత్రం రాలేదు. ఇప్పుడు ఈ టాలెంటెడ్ నటుడికి బాలీవుడ్ ఛాన్స్ వచ్చినట్లు సమాచారం.
సూపర్ స్టార్ అక్షయ్ కుమార్ నటిస్తోన్న ‘రామ్ సేతు’ సినిమాలో సత్యదేవ్ కీలకపాత్ర పోషిస్తున్నట్లు తెలుస్తోంది. జాక్వెలిన్ ఫెర్నాండేజ్, సుష్రత్ భారుష హీరో హీరోయిన్లుగా నటిస్తున్న ఈ చిత్రంలో అక్షయ్ పురావస్తు శాస్త్రవేత్తగా కనిపించనున్నారు. లైకా ప్రొడక్షన్స్ తో కలిసి అమెజాన్ సంస్థ ఈ సినిమాను నిర్మిస్తోంది. దీన్ని హిందీతో పాటు సౌత్ భాషల్లో కూడా విడుదల చేయాలని ప్లాన్ చేస్తున్నారు. దాని కోసమే సౌత్ యాక్టర్స్ ను తీసుకుంటున్నారు.
సత్యదేవ్ తో పాటు సీనియర్ నటుడు నాజర్ కూడా ముఖ్య పాత్రలో కనిపించనున్నారు. ఈ సినిమాతో సత్యదేవ్ తన టాలెంట్ ని నిరూపించుకోగలిగితే అతడికి బాలీవుడ్ లో మరిన్ని అవకాశాలు రావడం ఖాయం. ఈ ఏడాది మార్చిలో ఉత్తప్రదేశ్ లోని అయోధ్యలో ఈ సినిమా షూటింగ్ ప్రారంభమైనప్పటికీ కరోనా కారణంగా ఆగిపోయింది.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
