సవ్యసాచి కంటే ముందుగానే రానున్న అమర్ అక్బర్ ఆంథోని

శ్రీమంతుడు, జనతా గ్యారేజ్, రంగస్థలం వంటి సినిమాలను నిర్మించిన మైత్రి మూవీ మేకర్స్ సంస్థ వారు ప్రస్తుతం నాలుగు సినిమాలను నిర్మిస్తున్నారు. అందులో ఈ ఏడాది రిలీజ్ చేయాలనుకున్న సినిమాలు సవ్యసాచి, అమర్ అక్బర్ ఆంథోని. నాగచైతన్య హీరోగా చందు మొండేటి దర్శకత్వంలో తెరకెక్కుతోన్న సవ్యసాచి ఎప్పుడో రిలీజ్ కావాలి. దాని తర్వాత మొదలైన శైలజా రెడ్డి అల్లుడు మూవీ రిలీజ్ అయింది కానీ సవ్యసాచి మాత్రం పోస్ట్ ప్రొడక్షన్ దశలోనే ఉంది. ఆ పనులు కూడా పూర్తి చేసి ఆగస్టులోనే రిలీజ్ చేయాలనీ అనుకున్నారు. కానీ కుదరలేదు. ఇంకా శ్రీను వైట్ల దర్శకత్వంలో రవితేజ నటిస్తున్న అమర్ అక్బర్ ఆంథోని సినిమాని అక్టోబర్ లో విడుదల చేయాలనీ అనుకున్నారు. ఇది కూడా అనుకున్న సమయానికి పూర్తి కాలేదు.

దీంతో వాయిదా వేశారు. సవ్యసాచి నవంబర్ లో విడుదల చేసి.. అమర్ అక్బర్ ఆంథోనిని డిసెంబర్ లో రిలీజ్ చేయాలనీ ఓ నిర్ణయానికి వచ్చారు. అయితే తాజాగా ఈ తేదీల్లో మార్పులు చేసినట్లు ఫిలిం నగర్ వాసులు చెప్పుకుంటున్నారు. రవితేజ సినిమాని ముందుగా రిలీజ్ చేసి… నాగచైతన్య సినిమాని నెల తర్వాత విడుదల చేద్దామని ఫిక్స్ అయ్యారు. అంటే అమర్ అక్బర్ ఆంథోని నవంబర్ లో.. సవ్యసాచి డిసెంబర్ లో థియేటర్లోకి రానుందన్నమాట. త్వరలోనే రిలీజ్ డేట్స్ విషయంలో అధికారిక ప్రకటన చేయనున్నారు.