సున్నితమైన కథలను శేఖర్ కమ్ముల వెండితెర మీద చాలా అందంగా చూపిస్తుంటారు. హ్యాపీడేస్ తర్వాత పదేళ్లుగా మంచి హిట్ అందుకోలేని ఈ డైరక్టర్ గత ఏడాది వరుణ్, సాయి పల్లవితో చేసిన ఫిదా మూవీ మంచి చిత్రంగా పేరు తెచ్చుకోవడంతో పాటు, 60 కోట్లు వసూళ్లను సాధించి ఔరా అనిపించింది. ఈ ఉత్సాహంతో శేఖర్ కమ్ముల మంచి కథను రాసుకొని నేచురల్ స్టార్ నానికి రీసెంట్ గా వినిపించినట్లు తెలిసింది. కథలో కొత్తదనం ఉండడంతో నాని ఒకే చెప్పినట్లు ఫిలిం నగర్ వాసులు చెప్పారు. ఇదివరకు సినిమాలను పంపిణీ చేసే ఏసియన్ సంస్థ ఈ చిత్రం ద్వారా నిర్మాణంలోకి అడుగుపెట్టాలని చూస్తోంది. స్క్రిప్ట్ వర్క్ జరుపుకుంటోన్న ఈ సినిమా సెట్స్ మీదకు వెళ్ళడానికి నాలుగైదు నెలలు పట్టేట్టు ఉంది.
ప్రస్తుతం నాని యువ దర్శకుడు మేర్లపాక గాంధీ దర్శకత్వంలో ‘కృష్ణార్జున యుద్ధం’ సినిమా చేస్తున్నారు. నాని ద్విపాత్రాభినయం చేస్తున్న ఈ చిత్ర షూటింగ్ చివరి దశకు చేరుకుంది. ఈ సినిమా తరువాత కిశోర్ తిరుమల దర్శకత్వంలో ఒక సినిమా సినిమా చెయ్యబోతున్నారు. మైత్రి మూవీ మేకర్స్ నిర్మించనున్న ఈ సినిమాకు చిత్రలహరి అనే టైటిల్ ఫిక్స్ చేశారు. మార్చిలో ఇది సెట్స్ మీదకు వెళ్లనుంది. దీని తర్వాత నాని డేట్స్ కోసం చూస్తున్న వారి జాబితాలో అవసరాల శ్రీనివాస్ ఉన్నారు. తాజాగా శేఖర్ కమ్ముల చేరారు. ఎవరికి ఎప్పుడు డేట్స్ ఇస్తారో నానికే తెలియాలి.
