బాలీవుడ్‌ సూపర్ స్టార్ సల్మాన్ ఖాన్‌తో పని చేయాలని ఎవరికి ఉండదు చెప్పండి. అందుకే అవకాశం రాగానే ఠక్కున ఒప్పేసుకుంటుంటారు. అది హీరోయిన్‌ అయినా, టెక్నీషియన్‌ అయినా. అయితే ఒక వ్యక్తి మాత్రం ఆ అవకాశం వద్దనుకున్నాడు. అందరూ ఎంతగానో అభిమానించే హీరో, తను ఆరాధించే నృత్య దర్శకుడు కాంబినేషన్‌లో సినిమా చేసే అవకాశాన్ని వద్దనుకున్నాడు. ఎవరా టెక్నీషియన్‌, ఏంటా కథ చూద్దాం! టాలీవుడ్ టాప్ కొరియోగ్రాఫర్లలో శేఖర్‌ మాస్టర్ ఒకరు.
మాస్‌, క్లాస్‌, మాంటేజ్‌… ఇలా ఏ థీమ్‌ ఇచ్చినా అదరగొట్టే స్టెప్పులు కంపోజ్‌ చేస్తుంటారు. అందుకే తమ హీరోకు శేఖర్‌ మాస్టర్ స్టెప్పులు కంపోజ్‌ చేయాలని ఆశిస్తుంటారు. అందుకు తగ్గట్టే మాస్టర్ కూడా వచ్చిన అవకాశాన్ని వదలకుండా చేసి అదరగొడుతుంటాడు. అలాంటి మాస్టర్ ఇటీవల సల్మాన్ ఖాన్‌తో సినిమా చేసే అవకాశాన్ని వద్దనుకున్నాడట. అయితే అదేదో కావాలని చేయలేదనుకోండి. ‘సరిలేరు నీకెవ్వరు’ చిత్రీకరణ సమయంలో శేఖర్‌ మాస్టర్‌కు ‘రాధే’లో పని చేసే అవకాశం వచ్చింది.
‘రాధే’లో ఓ పాటకు కొరియోగ్రఫీ చేద్దువు రా’ అని శేఖర్‌ మాస్టర్‌కు ప్రభుదేవా మాస్టర్ పిలిచారట. కానీ అప్పటికే ‘సరిలేరు… ’ కోసం డేట్స్‌ ఇచ్చేయడంతో మాస్టర్ వెళ్లలేకపోయారు. అలాంటి సల్మాన్‌తో పని చేసే అవకాశాన్ని వదులుకున్నారు. ఈసారి మళ్లీ అవకాశం వస్తే చేద్దువులే అని ప్రభు మాస్టర్.. శేఖర్‌ మాస్టర్‌కు చెప్పారట. అంటే త్వరలోనే మరో బాలీవుడ్‌ సినిమాలో శేఖర్‌ మాస్టర్ స్టెప్పులు చూడొచ్చన్నమాట.
Most Recommended Video
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
