Shanti Priya: పెళ్లితో సినిమాలకు దూరం కావాల్సి వచ్చింది: శాంతి ప్రియ

ప్రముఖ నటి భానుప్రియ సోదరిగా ఇండస్ట్రీలోకి అడుగుపెట్టారు నటి శాంతి ప్రియ. ఈమె తెలుగు తమిళ భాషలతో పాటు హింది సినిమాలలో కూడా నటించారు. మహర్షి సినిమాతో తెలుగు ఇండస్ట్రీలోకి అడుగు పెట్టిన శాంతి ప్రియ ఎన్నో తెలుగు సినిమాలలో నటించి బాలీవుడ్ ఇండస్ట్రీకి వెళ్లారు. బాలీవుడ్ ఇండస్ట్రీలో ఒకటిన్నర సంవత్సరం పాటు సినిమాలలో నటించారు. ఇలా ఏడాదిన్నర కాలంలో ఈమె బాలీవుడ్ ఇండస్ట్రీలో ఏకంగా 5 సినిమాలలో నటించారు.

ఇలా బాలీవుడ్ ఇండస్ట్రీలో సినిమాలలో నటిస్తున్న సమయంలోనే శాంతి ప్రియ సిద్ధార్థ రాయ్ అనే నటుడితో ప్రేమలో పడి తనని వివాహం చేసుకున్నారు. ఇలా పెళ్లి చేసుకున్న తర్వాత ఈమె పూర్తిగా సినీ జీవితానికి దూరమయ్యారు. అయితే తాజాగా ఒక ఇంటర్వ్యూలో పాల్గొని తన సినీ కెరియర్ గురించి పలు ఆసక్తికరమైన విషయాలు తెలియజేశారు. ఈ సందర్భంగా శాంతి ప్రియ మాట్లాడుతూ తాను పెళ్లి చేసుకున్న తర్వాత ఇండస్ట్రీకి దూరమయ్యాను

అయితే ఎవరి బలవంతం మీద తాను ఇండస్ట్రీకి దూరం కాలేదని గృహిణిగా స్థిరపడటం కోసమే తాను ఇండస్ట్రీకి దూరమయ్యానని తెలిపారు. ఇక తన భర్త చనిపోయిన తర్వాత నేను షాక్ లో ఉండిపోయాను. ఆ బాధ నుంచి బయటపడటం కోసం చాలా సమయం పట్టిందని ఇక ముంబైలో తనకు ఎవరూ కూడా తెలియదు అందుకే తాను ఇంటి నుంచి బయటకు కూడా వచ్చేదాన్ని కాదని తెలిపారు. ఆ సమయంలో నా అమ్మ అక్క సోదరుడు నా పిల్లలకు చాలా అండగా నిలిచారు.

ఇక అమ్మ చెన్నైకి వచ్చేయమని కూడా చెప్పారు. అయితే తన కాళ్లపై తాను నిలబడటం కోసం ఒంటరిగా ముంబైలోనే ఉన్నానని తన తల్లిని స్ఫూర్తిగా తీసుకొని తాను జీవితంలో ముందుకు నడిచానని తెలిపారు. అయితే చాలా రోజుల తర్వాత తాను దారావి బ్యాంక్ అనే వెబ్ సిరీస్ ద్వారా ఎంట్రీ ఇచ్చానని తెలిపారు.ఇక తనకు హీరో వెంకటేష్ తో కలిసి నటించాలని ఉండేది కానీ ఆ కోరిక మాత్రం తీరకుండా ఉందని ఈ సందర్భంగా శాంతి ప్రియ తెలియజేశారు.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?