స్టార్ హీరో చిత్రానికి బలం కానున్న అలనాటి స్టార్ హీరోయిన్లు

తెలుగు, తమిళంలో క్రేజ్ ఉన్న విలక్షణ నటుడు విక్రమ్ ప్రస్తుతం గౌతమ్ మీనన్ దర్శకత్వంలో ‘ధృవ నక్షత్రం ’ సినిమా చేస్తున్నారు. స్పై థ్రిల్లర్ స్టోరీ తో రూపొందుతున్న ఈ సినిమా టీజర్ కొద్దిరోజుల క్రితం విడుదలై సంచలనం సృష్టించింది. ‘పెళ్లి చూపులు’ ఫేమ్ రీతూ వర్మ హీరోయిన్ గా నటిస్తున్న ఈ సినిమాకి అలనాటి హీరోయిన్లు బలం కానున్నారు. రాధిక, సిమ్రాన్ లు ఈ చిత్రంలో కీలక పాత్రలు పోషించనున్నట్లు తెలిసింది. వీరిద్దరితో విక్రమ్ కలిసి ఉన్న సీన్లను రీసెంట్ గా గౌతమ్ మీనన్ కంప్లీట్ చేసినట్లు కోలీవుడ్ వర్గాలు తెలిపాయి. ఈ సీన్లు సినిమాలో హైలెట్ కానున్నట్లు సమాచారం.

రాధికా, సిమ్రాన్ క్యారెక్టర్స్ ఏమిటనే అంశం ఆసక్తిగా మారింది. నెగిటివ్ రోలా? పాజిటివ్ రోలా? అని అందరూ చర్చించుకుంటున్నారు. ఈ విషయాన్నీ ఇప్పుడే రివీల్ చేయడానికి డైరక్టర్ నిరాకరించారు. ఇదివరకు ఏ భారతీయ సినిమాలోనూ చూపించనటు వంటి దుబాయ్, బల్గెరియా, టర్కీ, స్లోవేనియా వంటి దేశాల్లోని అందమైన లొకేషనల్లో 22 రోజుల పాటు షూటింగ్ చేయడానికి చిత్ర బృందం రెడీ అవుతోంది. ఈ భారీ షెడ్యూల్ త్వరలో మొదలు కానుంది.

Also, do SUBSCRIBE to our YouTube channel to get latest Tollywood updates.