‘అన్‌స్టాపబుల్’ షోకి గెస్టులుగా ఒకప్పటి గ్లామర్ క్వీన్స్!

నందమూరి బాలకృష్ణ హోస్ట్ గా ‘అన్‌స్టాపబుల్’ అనే షోను మొదలుపెట్టిన సంగతి తెలిసిందే. ‘ఆహా’లో ఈ షో ప్రసారమవుతోంది. ఇప్పటికే సీజన్ 1ను పూర్తి చేసుకుంది. ఇప్పుడు సీజన్ 2 నడుస్తోంది. ఈసారి కాంబినేషన్స్ తో షోని నడిపిస్తున్నారు. గెస్ట్ లుగా ఇద్దరు, ముగ్గురు వస్తున్నారు. నారా చంద్రబాబు నాయుడు, నారా లోకేష్ అతిథులుగా ‘అన్‌స్టాపబుల్2’ మొదలైంది. ఆ తరువాత సిద్ధూ జొన్నలగడ్డ, విశ్వక్ సేన్ లు గెస్ట్ లుగా వచ్చారు.

అడివి శేష్, శర్వానంద్ లతో నెక్స్ట్ ఎపిసోడ్.. నల్లారి కిరణ్ కుమార్ రెడ్డి, కెఆర్ సురేష్ రెడ్డి, రాధికా శరత్ కుమార్‌లతో మరో ఎపిసోడ్ టెలికాస్ట్ చేశారు. తాజాగా అల్లు అరవింద్, సురేష్ బాబు, రాఘవేంద్రరావులతో కొత్త ఎపిసోడ్ ను టెలికాస్ట్ చేశారు. ప్రస్తుతం ఈ ఎపిసోడ్ వైరల్ అవుతోంది. ఇదిలా ఉండగా.. త్వరలోనే ఈ షోలోకి ఇద్దరు సీనియర్ హీరోయిన్లను తీసుకురాబోతున్నారట. సీనియర్ హీరోయిన్లు జయప్రద, జయసుధలతో ఒక ఎపిసోడ్ ప్లాన్ చేస్తున్నారు.

ఈ ఇద్దరు హీరోయిన్లు సీనియర్ ఎన్టీఆర్ తో పాటు బాలయ్యతో కూడా కలిసి సినిమాల్లో నటించారు. ఆ సినిమాలకు సంబంధించిన విషయాలన్నీ చర్చించే అవకాశం ఉంది. త్వరలోనే ఈ ఎపిసోడ్ ని చిత్రీకరించనున్నారు. వీరితో పాటు మరో క్రేజీ కాంబినేషన్ ను సెట్ చేయడానికి రెడీ అవుతున్నారు. యంగ్ రెబల్ స్టార్ ప్రభాస్, మ్యాచో స్టార్ గోపీచంద్ లను ఈ షోలోకి తీసుకురావాలనుకుంటున్నారు.

వారిద్దరూ మంచి ఫ్రెండ్స్ అనే సంగతి అందరికీ తెలిసిందే. వీరిద్దరూ పెద్దగా మాట్లాడే బ్యాచ్ కాదు కానీ బాలయ్య షో కోసం ఇద్దరినీ ఒప్పించి తీసుకురాబోతున్నారు. ఈ నెలలలో ఈ ఎపిసోడ్ కి సంబంధించిన షూటింగ్ జరగనుందని సమాచారం.

హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!